އަބޫދާބީ އާއި ރާއްޖެއާއި ދެ ޤައުމު ދެމެދު ވިޔަފާރީގެ ދާއިރާއިން ގުޅުން އިތުރުކުމާއި، އެޑްނޮކްގެ ފަރާތުން ރާއްޖޭގައި އިންވެސްޓް ކުރެވިދާނެ ދާއިރާތަކާގުޅޭގޮތުން މަޝްވަރާކޮށްފިއެވެ.
މިކަންކަމަށް މަޝްވަރާކޮށްފައިވަނީ އަބޫދާބީގެ ނޭޝަނަލް އޮއިލް ކޮމްޕެނީ (ޢެޑްނޮކް) ޑިސްޓްރިބިއުޝަންގެ އެކްޓިންގ ޗީފް އެގްޒެކެޓިވް އޮފިސަރ، އިންޖިނިއަރ ސަޢީދު މުބާރަކް އަލް-ރާޝްދީ އާއި މިނިސްޓަރ އޮފް ފޮރިން އެފެއާޒް ޢަބްދުﷲ ޝާހިދު އާއި ދެބޭފުޅުން މިއަދު ބޭއްވެވި ބައްދަލުކުރެއްވުމުގައެވެ.
މި ބައްދަލުކުރެއްވުމުގައި ޚާރިޖީ ވަޒީރު ޢަބްދުﷲ ޝާހިދުގެ އަރިހުގައި ސްޓޭޓް ޓްރޭޑިންގ އޯގަނައިޒޭޝަން (އެސްޓީއޯ)ގެ ޗީފް އެގްޒެކެޓިވް އޮފިސަރ އަދި މެނޭޖިންގ ޑިރެކްޓަރ ހުސައިން ޢަމްރު މުޙައްމަދު ރަޝާދު އާއި މިނިސްޓަރ އޮފް ފޮރިން އެފެއާޒްގެ ޑިރެކްޓަރ، ޢަބްދުލްވާރިޡް ސަޢީދު ބައިވެރިވެވަޑައިގެންނެވިއެވެ.
