ވަކިމީހަކަށް ވަކިގޮތެއް ހެދުމާއި، ވާދަވެރިޔާ ނައްތައިލުމުގެ ސަގާފަތާ އެންމެންވެސް ދުރުވާންޖެހޭ ކަމަށް ޖުމްހޫރީ ޕާޓީގެ ރައީސް، ޓޫރިޒަމް މިނިސްޓަރު ޢަލީ ވަޙީދު ވިދާޅުވެއްޖެއެވެ.
ޢަލީ ވަޙީދު މިމޭރުމުން ވިދާޅުވެފައިވަނީ ރައީސް މުޙައްމަދު ނަޝީދު މަޖިލީހަށް ކުރިމަތިލައްވައި ވާދަކުރައްވަމުން ގެންދަވަނިކޮށް އެމަނިކުފާނަށް ކުރިމަތި ނުލެއްވެވޭ ގޮތަށް ްާނޫނަސް އިޞްލާޙެއް ހުށަހެޅުއްވުމާއި ގުޅިގެންނެވެ.
ޢަލީ ވަޙީދު ވިދާޅުވީ ރައީސް މުޙައްމަދު ނަޝީދު މަޖިލީހަށް ކުރިމަތިލެއްވުމަކީ އެމަނިކުފާނުގެ ޤާނޫނީ އަދި އަސާސީ ޙައްޤެއް ކަމަށާއި ރާއްޖެ އިޞްލާޙްވެ ބަދަލުވާނީ އަޅުގަނޑުމެން އެނެމެންގެ ވިސްނުން އިޞްލާޙްވެ ހަރުދަނާވެގެން ކަމަށެވެ.
ރައީސް ޔާމީނުގެ ވެރިކަމުގައި އުމުރުން 65 އަހަރުވެފައިވާ މީހުންނަށް ޤައުމުގެ ރައީސްކަމަށް ކުރިމަތި ނުލެއްވޭ ގޮތަށް ފާސްކުރި އިޞްލާޙްވެސް މިހާރު ވަނީ ބާޠިލުކޮށްފައެވެ.
"ވަކިމީހަކަށް ވަކިގޮތެއް ހެދުމާއި، ވާދަވެރިޔާ ނައްތައިލުމުގެ ސަގާފަތާ އެންމެންވެސް ދުރުވާންޖެހޭ. ރައީސް މުޙައްމަދު ނަޝީދު މަޖިލީހަށް ކުރިމަތިލެއްވުމަކީ އެމަނިކުފާނުގެ ޤާނޫނީ އަދި އަސާސީ ޙައްޤެއް. ރާއްޖެ އިޞްލާޙްވެ ބަދަލުވާނީ އަޅުގަނޑުމެން އެނެމެންގެ ވިސްނުން އިޞްލާޙްވެ ހަރުދަނާވެގެން.!"
