ސްކޫލްތަކުގެ ގޭތް 12:50 ގައި ހުޅުވުމުގެ ބަދަލުގައި 5 މިނިޓް ކުރިކޮށް 12:45 ގައި ހުޅުވާނަމަ ޗާންދަނީ މަގު ފަދަ ބާރު ބޮޑުވާ މަގުތަކުގެ ޓްރެފިކް ބްލޮކްވާ މައްސަލައަށް ލުއިތަކެއް ލިބޭނެ ކަމަށް ޝައިޚް ޢަލީ ޒައިދު ވިދާޅުވެއްޖެއެވެ.
މިހާރު 12:50 ގައި ގޭޓް ހުޅުވާތީ ކުރިން ދެވޭ މީހުންނަށް ޖެހެނީ މަގުމަތީގައި މަޑުކޮށްގެން ތިބެން ކަމަށްވުމުން މަގުތައް ފުރިބާރުވާ މައްސަލައަށް އިޝާރާތް ކުރައްވައި ޝައިޚް ޢަލީ ޒައިދު ވިދާޅުވީ 5 މިނިޓަކީވެސް ވަރަށް ލުޔަކަށް ވާނެ ކަމަށެވެ.
ސްކޫލުގަޑިތަކުގައި އެންމެ ބޮޑަށް ބާރު ބޮޑުވަނީ ޗާންދަނީ މަގަށެވެ. އެއީ 3 ސްކޫލެއް އެމަގުގައި ހުރުމުންނެވެ. މައްސަލަ މިހައި ބޮޑުވެގެން ދިއައީ އިސްކަންދު ސްކޫލާއި އަމީނިއްޔާ ސްކޫލް ހުއްޓައި ޢަރަބިއްޔާވެސް ހަމަ އެ ސަރަހައްދަށް ބަދަލުކުރުމުންކަން ފާހަގަކުރެވެއެވެ.
