ހެލްމެޓް އެޅުމަށް ހިތްވަރު ދިނުމުގެ ގޮތުން ކޮންމެވެސް އަދަދެއްގެ ބައަކަށް ހިލޭ ވެސް ހެލްމެޓް ދެވޭތޯ މަސައްކަތް ކުރަމުން ގެންދާ ކަމަށާއި އަންނަ މާރިޗު މަހުގެ 10 ވަނަ ދުވަހުން ފެށިގެން ހެލްމެޓް އެޅުން މަޖުބޫރު ކުރާނެ ކަމަށް ޓްރާންސްޕޯޓް އޮތޯރިޓޫން ބުނެފިއެވެ.
ނޫސްވެރިންނަށް މައުލޫމާތު ދެއްވަމުން މިނިސްޓަރ ޢައިޝަތު ނަހުލާ ވިދާޅުވީ ހެލްމެޓް އެޅުން މަޖުބޫރުކުރާނީ ޤާނޫނާއި ޤަވާއިދުގެ ތެރެއިން ކަމަށާއި 10 މާރިޗުން ފެށިގެން ހެލްމެޓް ނުއަޅައި ދުއްވާ ފަރާތްތަކާއިމެދު ޤާނޫނީ ފިޔަވަޅު އަޅަމުން ގެންދާނެ ކަމަށެވެ.
"ޓްރެފިކް ފުލުހުން މެދުވެރިކޮށް ހެލްމެޓް ނުއަޅައި ބްރިޖަށް ނުއެރޭނެގޮތް ހަދާނަން." މިއަދުގެ ބައްދަލުވުމުގައި ރަފީޢު ވިދާޅުވީ މާލޭގެ އިތުރުން އައްޑޫ ސިޓީ އާއި އެނޫންވެސް ބޮޑެތި މަގުތައް ހުރި ރަށްރަށުގައި ހެލްމެޓް ތަޢާރަފްކުރާނެ ކަމަށެވެ.
ރަފީޢު ވިދާޅުވީ މިފަދަ ކަންކަން ކުރަންޖެހެނީ ރައްޔިތުންގެ ސަލާމަތާއި ރައްކައުތެރިކަމަށް ކަމަށާއި ބޮޑެތި މަގުތަކުގައި ކާރު ދުއްވާއިރު ސީޓް ބެލްޓް އެޅުމަކީ ވެސް ކުރަންޖެހިފައިވާ ކަމެއް ކަމަށެވެ. ހައިވޭގައި ބައެއް ކާރު މިހާރު ވެސް ފުރޮޅާލާފައިވާކަންވެސް ރަފީޢު ވަނީ ފާހަގަކުރައްވައިފައެވެ.
