ޚަބަރުގައިވާ ފޮޓޯގައިވާ أفضل وظائف ފޮތް މިސްކިތްތަކުގައި ބެހެއްޓުމަކީ ރަނގަޅު ކަމެއް ނޫންކަމަށާއި ސަބަބަކީ ބިދުޢަ އާއި ޝިރުކުގެ ޢިބާރާތްތައް ފޮތުގައި ހުރި ބައެއް ދުޢާތަކުގައި ހުރުން ކަމަށް ޝައިޚް އަޙްމަދު ސަމީރު ވިދާޅުވެއްޖެއެވެ.
ޝައިޚް ސަމީރު ވިދާޅުވެފައިވެއެވެ.:
މިފޮތަކީ ވަރަށް ގިނައިން ރާއްޖޭގެ މިސްކިތްތަކުން ފެންނަ ފޮތެކެވެ. މިފޮތުގައި ޤްރްއާނުގެ ބައެއް ސޫރަތްތައް ހުރި ނަމަވެސް، މިފޮތަކީ އެއިގެ އިތުރުން، ބިދުޢަ އާއި ޝިރުކުގެ ބައެއް ޢިބާރާތްތައް ހިމެނޭ ބައެއް ދުޢާތައްވެސް ހުންނަ ފޮތެކެވެ. ވީމާ މިފޮތަކީ މިސްކިތުގައި ބަހައްޓަން ވާނެ ފޮތެއް ނޫނެވެ.
ދެވަނަ ފޮޓޯގައިވާ ދުޢާއަށް އިޝާރާތް ކުރައްވައި ޝައިޚް ސަމީރު ވިދާޅުވެފައިވަނީ:
"މި ދުޢާގައި އެވަނީ ކީރިތި ރަސޫލާ މުޙައްމަދު (ޞޢވ) އަކީ ވާރޭ ފެން ގނެސް ދެއްވަވާ، އަދި ތަދުމަޑުކަމާއި، ގިލަންވެރިކަމުން، މީހުން ނަޖާތުކުރައްވަވާ، ބޭކަލެއްގެ ގޮތުގަ ސިފަކޮށްފައި،
މިކަންކަމަކީ ﷲ އަށް ޚާއްޞަވެގެންވާ ކަންކަން. އެކަލާނގެ ނޫން ފަރާތެއްގެ ކިބައިން މިފަދަ ކަންކަމަށް އެދުމަކީ ޝިރުކުގެ ޢަމަލެއް! އެއީ ތަޢްރީފް ކުރުމުގައި ހައްދުފަހަނައަޅައި ދިއުން. އެފަދަ ތައްރީފްކުރުން އެކަލޭގެފާނު (ރަސޫލް (ޞޢވ) ވަނީ ނަހީ ކުރައްވަވާފަ."
ހިތާމައަކީ މިފަދަ ފޮތްތައް ރާއްޖެއަށް އެތެރެކުރެވޭ ކަމެވެ. ރާއްޖެއަށް އެތެރެކުރާ ދީނީ ފޮތްތައް ކަސްޓަމްސް އިން ހިފަހައްޓައި، އިސްލާމިކް މިނިސްޓްރީން ފާސްކުރުމުން ނޫނީ ދޫ ނުކުރުމަކީ ރާއްޖޭގައި އަބަދުވެސް ޢަމަލުކުރަމުން އަންނަ ގޮތްކަން ފާހަގަކުރެވެއެވެ.
