"ޤިޔާމަތް ދުވަހު ﷲ ތަޢާލާ އެކަލާނގެ ޙުކުމްފުޅުތަކުގެ މައްޗަށް އަމިއްލަ އަތުން ކޮށައި މަށައި ޤާނޫނުތައް އިސްކުރާ މީހުންނާއި ސުވާލު ކުރައްވަވާނެއެވެ. އަދި އެކަލާނގެ އަމުރުފުޅުތައް ތަންފީޒުކުރުމުގައި ބިރުގަނެ ފަހަތު ފަޔަށް ބުރަވާ މީހުންނާއި ވެސް ސުވާލު ކުރައްވަވާނެއެވެ. އެދުވަހުން ފިލަން ދާނެތަނެއް ސަލާމަތް ވެވޭނެ މަގެއް އަދި ގޮތެއްވެސް ނުއޮންނާނެއެވެ. ދުނިޔޭގައި ﷲ ތަޢާލާގެ ޙުކުމްފުޅުތަކާއި ކުޅިވަރެއް ގޮތަށް ކުޅުނު މީހުން ޤިޔާމަތް ދުވަހު އެއިގެ (އެކަމުގެ) ހިތިރަހަ ދެކޭނެ އެވެ. މިއީ ވަރަށް ވަރަށް ހިތާމަ ހުރި ކަމެކެވެ."
ޝައިޚް ޢަލީ ޒައިދު މިމޭރުމުން ވިދާޅުވެފައިވަނީ "ޤިޔާމަތް ދުވަހު ދިވެހި ރައްޔިތުންގެ ކަންކަމަށް ﷲ ތަޢާލާ ޙުކުމްފުޅު އިއްވަވައި ކަންކަން ފައިޞަލާ ކުރައްވަވާނީ ޕްރޮސެކިޔުޓަރ ޖެނެރަލް ދައުވާ ކުރައްވާ ގޮތަށް ބައްލަވައިގެންތޯ؟ ނޫނީ ކީރިތި ޤްރައާނާއި އެއްގޮތަށްތޯ؟ މިއަދުނޫހުގެ ބައެއް ކިޔުންތެރިން ކޮށްފައިވާ ސުވާލެއް ދެންނެވުމުން ދެއްވި ޖަވާބުގައެވެ.
"ކީރިތި ޤްރްއާނާއި ނަބިއްޔާ (ޞޢވ) ގެ ޙަދީޘްފުޅުތަކަކީ އިލާހީ ވަޙީ!. ސަލާމަތްކަން އޮތީ ކީރިތި ޤްރްއާނަށް އަމަލުކުރުމުގައި. ޙިކުމަތްވަންތަ ﷲ ތަޢާލާ ބާވައިލެއްވެވި ޙުކުމްތަކަކީ އެންމެ ފުރިހަމަ ޙުކުމްތައް." ކަމަށް ވެސް ޝައިޚް ޢަލީ ޒައިދު މިއަދު ވަނީ ވިދާޅުވެފައެވެ.
