މުޅި އިސްލާމީ މަރުކަޒު އެކުގައި މަރާމާތުގެ ކުރުމުގެ މަސައްކަތް ފަށަން ހަމަޖެހިފައިވާ ކަމަށް މައުލޫމާތު ލިބިއްޖެއެވެ.
މިކަމާއި ގުޅިގެން މިއަދުނޫހުން ދެންނެވި ސުވާލަކަށް ޖަވާބު ދެއްވަމުން އިސްލާމިކް މިނިސްޓްރީގެ ޕީއެސް މުޞްޢަބް ޢަބްދުﷲ ވިދާޅުވީ ބޭރުގެ ފަރާތެއްގެ އެހީގައި މުޅި އިސްލާމީ އެކުގައި މަރާމާތުކުރުމުގެ މަސައްކަތް ވަރަށް އަވަހަށް ފެށޭނެ ކަމަށެވެ.
އަދި މަސައްކަތް ކުރިއަށް ގެންދަން ހަމަޖެހިފައިވަނީ މިސްކިތް ބަންދު ނުކޮށް ފަހަރަކު ފަޅިއެއްގައި ނަމާދުކުރަމުން ކަމަށެވެ.
މިއަދުނޫހަށް މައުޅުމާތުލިބިފައިވާ ގޮތުގައި އިސްލާމީ މަރުކަޒުގައި މިހާރު ކުރަންޖެހިފައިވާ މަރާމާތުތައް ކޮށްދެނީ އިސްލާމީ ފަންޑަކުންނެވެ. އަދި އެކަން ކުރުން ލަސްވެގެން އައީ ރައީސް ޔާމީނުގެ ސަރުކާރުން މުޅި އިސްލާމީ މަރުކަޒު އެއާކޯން ކުރަން ބޭނުންވުމުން، އެތަން ބިނާކޮށްފައިވަނީ އެގޮތަށް އެކަން ކުރެވޭ ގޮތަށް ކަމަށް ނުވުމުން އުފެދުނު މައްސަލަތަކުގައެވެ.
ނަމަވެސް މިކަމާއި ގުޅިގެން އިސްލާމިކް މިނިސްޓްރީގެ ބަހެއް ލިބިފައެއް ނުވެއެވެ. ވާރޭ ވެހިއްޖެނަމަ އިސްލާމީ މަރުކަޒުގެ ފުރާޅުން ވާރޭ ވެހޭތާ އެތައް އަހރެއްވެއްޖެއެވެ. އަދި މުންނާރުވެސް ހުރީ ވަރަށް ހާލުގައިކަން ފާހަގަކުރެވެއެވެ.
