ޒިނާކުރި އަންހެނާ ރަޖަމް ކުރަން ނައިފަރު ކޯޓުން އިއްޔެ ކުރި ޙުކުމް ދިވެހިރާއްޖޭގެ ސްޕްރީމް ކޯޓުން މިއަދު ބާޠިލުކޮށްފި އެވެ. ސްޕްރީމް ކޯޓުން ބުނެފައިވަނީ ޙުކުމް ބާޠިލުކުރީ ޕްރޮސެކިޔޫތަރ ޖެނެރަލް ދައުވާ ކުރި މާއްދާ ނޫން އެހެން މާއްދާއެއްގެދަށުން ޙުކުމްކޮށްފައިވާތީ ކަމަށެވެ.
ސްޕްރީމް ކޯޓުން ބުނެފައިވަނީ ޅ. ނައިފަރު މެޖިސްޓްރޭޓް ކޯޓުގެ 2018/ސީ2ޖީ/249 ޤަޟިއްޔާއިން އެ މައްސަލަ ހިންގައި ނިންމާފައިވަނީ އެ ޤަޟިއްޔާގެ ދަޢުވާގައި ޕްރޮސެކިޔުޓަރ ޖެނެރަލްގެ ފަރާތުން ޙަވާލާ ދީފައިވާ ޤާނޫނު ނަމްބަރު 2014/17 (ޖިންސީ ކުށުގެ ޤާނޫނު) ގެ 27 ވަނަ މާއްދާ އާ ޚިލާފަށް ކަމަށްވާތީ، ޅ. ނައިފަރު މެޖިސްޓްރޭޓް ކޯޓުގެ ނަމްބަރު 2018/ސީ2ޖީ/249 ޤަޟިއްޔާގެ ޙުކުމް ކުރީ ކަމަށެވެ.
ދީނީ ޢިލްމުވެރިން ވިދާޅުވަނީ ކީރިތި ޤްރްއާނުގައި ބަޔާންވެދެންވާ ޙައްދެއް އެނޫން ގޮތަކަށް ބަދަލުކުރުމުގެ ބާރު ލިބޭ ގޮތަށް ޤާނޫނުތައް އަމިއްލައަށް ހަދައި ތަންފީޒުކުރުމަކީ ﷲ ތަޢާލާ ޤަބޫލުފުޅު ކުރައްވަވާނެ ކަމެއް ނޫން ކަމަށެވެ.
ޝައިޚް ޢަލީ ޒައިދު މިއަދު ވިދާޅުވެފައިވަނީ "ކީރިތި ޤްރްއާނާއި ނަބިއްޔާ (ޞޢވ) ގެ ޙަދީޘްފުޅުތަކަކީ އިލާހީ ވަޙީ!. ސަލާމަތްކަން އޮތީ ކީރިތި ޤްރްއާނަށް އަމަލުކުރުމުގައި. ޙިކުމަތްވަންތަ ﷲ ތަޢާލާ ބާވައިލެއްވެވި ޙުކުމްތަކަކީ އެންމެ ފުރިހަމަ ޙުކުމްތައް." ކަމަށެވެ.
https://twitter.com/alizaid1000/status/1082165950080675840
