މާލެ ސިޓީގެ މިސްކިތްތަކާއި ޤަބުރުސްތާނުތަކާއި މޯޗަރީތައް ބެލެހެއްޓުން މާލެ ސިޓީ ކައުންސިލާ ޙަވާލުކޮށްފިއެވެ. މި ކަންކަން ޙަވާލުކޮށްފައިވަނީ ކަމަށްޓަކައި މިއަދު އިސްލާމިކް މިނިސްޓްރީގައި ބޭއްވި ރަސްމިއްޔާތެއްގައެވެ.
މިބަދަލުވުމުގައި މާލެ ސިޓީ ކައުންސިލުގެ ޑިޕިޔުޓީ މޭޔަރު ސިމާޢު ޝަރީފް ވިދާޅުވީ މި މަސައްކަތްތަކަކީ ކުރިންވެސް އެ މިނިސްޓްރީން ބަލަހައްޓަމުން ގެންދިއަ މަސައްކަތްތަކެއް ކަމަށާއި ލާމަރުކަޒީ ޤާނޫނަށް ބަދަލުތަކެއް ގެނެސް އެ މަސައްކަތްތައް ސިޓީ ކައުންސިލުން ވަކިކުރީ ކަމަށެވެ.
ސިމާޢު ޝަރީފް ވިދާޅުވީ މި މަސައްކަތްތައް ސިޓީ ކަުންސިލާއި ހަވާލުވުމުން މިސްކިތަތްކުން އާބާތުރަ ފިލުވުމާއި އެނޫންވެސް މަސައްކަތްތައް ވަރަށް ގާތުން ބަލަހައްޓާނެ ކަމަށެވެ.
އަދި އެ މަސައްކަތްތައް ކުރުމަށް ޚާއްޞް ކޮމިޓީއެއްވެސް އެކުލަވާލާފައިވާ ކަމަށެވެ. މިބައްދަލުވުމުގައި އިސްލާމިކް މިނިސްޓްރީގެ ޕީއެސް މުޞްޢަބް ޢަބްދުﷲ ވިދާޅުވީ މިސްކިތަތްކުގެ ކަންކަން ބެލެހެއްޓުން ސިޓީ ކައުންސިލާއި ހަވާލުކުރި ނަމަވެސް އިމާމުން ތިބޭނީ އިސްލާމިކް މިނިސްޓްރީގެ ބެލުމުގެދަށުގައި ކަމަށެވެ.
އަދި ޤްރްއާން ކިލާސް ހިންގުމާއި ދީނީ ނަބޭޙަތް ދިނުން ފަދަ ކްންކަމަށް ބޭނުންވާ ހުއްދަ ދޫކުރާނީ އިސްލާމިކް މިނިސްޓްރީން ކަމަށެވެ. މުޞްޢަބް ޢަބްދުﷲ ވިދާޅުވީ އައްޑޫ ސިޓީ އާއި ފުވައްމުލަކު ސިޓީގައި ހުރި މިސްކިތްތަކާއި މިފަދަ ތަންތަން ވެސް ސިޓީ ކައުންސިލުތަކާއި ވަރަށް އަވަހަށް ޙަވާލުކުރެވޭނެ ކަމަށެވެ. އިސްލާމިކް މިނިސްޓްރީގެ ނައިބް އަޙްމަދުﷲ ޖަމީލް ވިދާޅުވީ މިކަންކަނަ ކުރެވެމުން ދަނީ ސިޓީކައުންސިލުތަކާއި ވަރަށް ބޮޑަށް ގުޅި މަޝްވަރާ ކުރެވިގެން އަދި ދެމެހެއްޓެނިވި ގޮތެއްގައި ކަންކަން ކުރެވޭނެ އިންތިޒާމުތަކެއްގެދަށުން ކަމަށެވެ.
