ޖުޑީޝަލް ކައުންސިލެއް ސުޕްރީމް ކޯޓުން މިއަދު ނެރުއްވި ގަރާރަކުން އުފައްދައިފިއެވެ.
މިގަރާރުގައި ބުނެފައިވަނީ އަދުލު އިންސާފު ގާއިމުކުރުމުގެ ނިޒާމް ހަރުދަނާ ކުރުމުގެ ގޮތުން އެކުލަވާލަންޖެހޭ ސިޔާސަތުތައް އެކުލަވާލުމުގައި ފަނޑިޔާރުންގެ މެދުގައި ފުޅާ ދާއިރާއެއްގައި މަޝްވަރާ ކުރެވޭނެ ފޯރަމެއް އޮތުމަކީ ބޭނުންތެރި ކަމެއް ކަމަށްވާތީ ޖުޑިޝަލް ކައުންސިލް އުފެއްދީ ކަމަށެވެ.
ޖުޑީޝަލް ކައުންސިލް އެކުލެވިގެންވަނީ އުއްތަމަ ފަނޑިޔާރާއި ސުޕްރީމް ކޯޓުގެ ފަނޑިޔާރުންނާއި ހައި ކޯޓުގެ އިސް ފަނޑިޔާރާއި މާލޭގެ ސުޕީރިއާ ކޯޓުތަކުގެ އިސް ފަނޑިޔާރުންގެ އިތުރުން ޖުޑިޝަލް ދާއިރާތަކުގެ އިސް މެޖިސްޓްރޭޓުންގެ ތެރެއިން ސުޕްރީމް ކޯޓުން އައްޔަންކުރާ ދެ މެޖިސްޓްރޭޓަކު ހިމެނިވަޑައިގަންނަވާ ގޮތަށެވެ.
ޖުޑީޝަލް ކައުންސިލް އެކުލަވާލުމުގެ ގަރާރުގައި ސޮއިކުރައްވާފައިވަނީ އުއްތަމަ ފަނޑިޔާރު ޑރ. އަހުމަދު އަބްދުﷲ ދީދީ އެވެ.
