ލިޔުނީ: ޒިދާން މުހައްމަދު
މޯލްޑިވް ގޭހުގެ މެނޭޖިން ޑިރެކްޓަރު (އެމްޑީ) ގެ މަޤާމަށް ޝަޒައިލް ޝިޔާމް އައްޔަނުކުރައްވައިފި އެވެ.
ޝަޒައިލް ވަނީ 2013 ވަނަ އަހަރު ކޫއްޑޫ ފިޝަރީޒްގެ ޗެއާމަންކަން ކުރައްވައިފަ އެވެ. އަދި ފިޝަރީޒް މިނިސްޓްރީގެ ޑެޕިއުޓީ މިނިސްޓަރުކަން ކުރެއްވި އެވެ. މީގެ އިތުރުން، އޭޕްރީލް 12، 2017 ވަނަ ދުވަހު މަގާމުން ވަކިކުރެއްވިއިރު އޭނާ ހުންނެވީ ޓޫރިޒަމްގެ ޑެޕިއުޓީ މިނިސްޓަރަކަށެވެ. އޭނާ މަގާމުން ވަކިކުރެއްވީ، ކުރީގެ ރައީސް އަބްދުﷲ ޔާމީނަށް ތާއީދުކުރެއްވުން ހުއްޓާލައްވައި އެމްއާރުއެމްއާ ގުޅިވަޑައިގަތުމުންނެވެ.
ރައީސުލްޖުމްހޫރިއްޔާ އިބްރާހިމް މުހައްމަދު ޞާލިޙް، ޝަޒައިލަށް މަގާމު ހަވާލުކުރެއްވީ މިއަދުއެވެ. މޯލްޑިވް ގޭސްގެ އިތުރުން، ފެނަކަ އަދި ޕީއެސްއެމްގެ ބޯޑަށް ވެސް ރައީސް މިއަދު ވަނީ ބޭފުޅުންތަކެއް އައްޔަނުކޮށްފައެވެ.
