ނުހައްގުން ވަޒީފާއިން ވަކިކޮށްފައިވާ މީހުންގެ ޝަކުވާ ހުށަހެޅުމުގެ މުއްދަތު ޖަނަވަރީ މަހުގެ 21 ވަނަ ދުވަހުގެ 14:00 ގެ ނިޔަލަށްރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް އިތުރުކޮށްފިއެވެ.
މުއްދަތު އިތުރުކުރައްވާފައިވަނީ މި މުއްދަތު އިތުރު ކޮށްދިނުމަށް ގިނަ ފަރާތްތަކަކުން އެދިވަޑައިގަންނަވަމުން ގެންދަވާތީކަމުގައި ރައީސް އޮފީހުން ކުރެއްވި އިޢުލާނުގައި ބުނެފައި ވެއެވެ.
ކުރީގެ ސަރުކާރުގެ ދުވަސްވަރު ނުހައްގުން ވަޒީފާއިން ވަކިކޮށްފައިވާ މީހުންނާއި، ވަޒީފާ ބަދަލު ކުރި މީހުން މައްސަލަތައް ހުށަހެޅުމަށް ރައީސް އޮފީހުން މިދިޔަ މަހުގެ 3 ވަނަ ދުވަހު ހުޅުވާލުމުން 451 މައްސަލައެއް ވަނީ ހުށަހަޅާފައެވެ.
