ފަތުރުވެރިން މާލެ އަށް ބޭލުމުގައި ދަތިތަކާ ކުރިމަތިވާތީ ކްރޫޒް ލައިނާތައް މާލެ ކައިރީގައި ބަނދަރު ކުރެވޭނެ ގޮތް ޓޫރިޒަމް މިނިސްޓްރީން ހަމަޖައްސައިފައިފިއެވެ.
މިކަން ހާމަކޮށްފައިވަނީ ޓޫރިޒަމް މިނިސްޓްރީން އާންމުކުރި ބަޔާނެއްގައެވެ.
އެ މިނިސްޓްރީން ބުނެފައިވަނީ ގައުމުތަކުން ރާއްޖެ އަންނަ ކްރޫޒް ލައިނާތައް ބަނދަރު ކުރަންޖެހެނީ މާލެއާ ގާތްގަނޑަކަށް ދެ ނޯޓިކަލް މޭލު ބޭރުގައި ކަމަށާއި އެ ހިސާބު ދުރުވުމުގެ ސަބަބުން ފަތުރުވެރިން މާލެ އަށް ބޭލުމުގައި ބޮޑެތި ދަތިތަކާ ކުރިމަތިވާކަން މިނިސްޓްރީގެ ސަމާލުކަމަށް އައިސްފައިވާ ކަމަށެވެ.
ކްރޫޒްލައިނާތަކަށް ބަނދަރުކުރަން ކުރިން ހުއްދަ ދީފައިވަނީ ކާގޯ ބޯޓު ފަހަރު ބަނދަރުކުރާ ހިސާބަށް ވުރެ ދުރުންނެވެ.
އެހެންނަމަވެސް ޓޫރިޒަމް މިނިސްޓްރީން މިހާރު ވަނީ އެންމެ ކުރިން ވެސް ކްރޫޒްލައިނާތަކަށް ބަނދަރުކުރަން ހުއްދަ ދީފައިވާ، މާލޭއާ 0.6 ނޯޓިކަލް މޭލުން ބަނދަރު ކުރެވޭނެ އިންތިޒާމުތައް ހަމަޖައްސައިދީފައެވެ.
Ministry’s Press Release
— Ministry of Tourism (@TourismMv) January 2, 2019
(PR)88-B/88/2019/1 (2 January 2019)https://t.co/bHnjU9UYlt pic.twitter.com/eVFkeFf2D4
