ނުހައްގުން ވަޒީފާއިން ވަކިކޮށްފައިވާ 451 މައްސަލަ ބަލަން ފަށާފައިވާކަމަށް ރައީސް އޮފީހުން ބުނެފިއެވެ.
ކުރީގެ ސަރުކާރުގެ ދުވަސްވަރު ނުހައްގުން ވަޒީފާއިން ވަކިކޮށްފައިވާ މީހުންނާއި، ވަޒީފާ ބަދަލު ކުރި މީހުން މައްސަލަތައް ހުށަހެޅުމަށް ރައީސް އޮފީހުން ހުޅުވާލީ މިދިޔަ މަހުގެ ތިން ވަނަ ދުވަހެވެ. އަދި އެ މައްސަލަތަށް ހުށަހެޅުމަށް ދީފައިވަނީ 30 ދުވަހުގެ މުއްދަތެކެވެ.
ނުހައްގުން ވަޒީފާ އިން ވަކިކޮށްފައިވާ މީހުންނަށް އިންސާފު ހޯދައިދިނުމަކީ ރައީސް ސޯލިހުގެ ވެރިކަމުގެ ފުރަތަމަ 100 ދުވަހުގެ ތެރޭގައި ފުއްދުމަށް ހަމަޖައްސާފައިވާ ވައުދުތަކުގެ ތެރޭގައި ހިމެނޭ ކަމެކެވެ.
