ލިޔުނީ: ޒިދާން މުހައްމަދު
މާލޭސިޓީ މަގެއްގެ މައްޗަށް ކުނި އެޅި މީހަކު ޖޫރިމަނާކޮށް، އޭނާ ދިރިއުޅޭ ގޭގެ ނަން އެންވަޔަރެމެންޓް ޕްރޮޓެކްޝަން އޭޖެންސީން (އީޕީއޭ) އާންމުކޮށްފި އެވެ.
އީޕީއޭ އިން ކުރި ޓުވީޓެއްގައި ބުނެފައި ވާ ގޮތުގައި، ހ. މުސްތަރީމަގަށް ކުނި އެޅީ ހ. ހަނދުވަރުދޭގޭގެ ތިން ވަނަ ފަންގިފިލާގައި ދިރިއުލޭ މީހެކެވެ. މިއީ، ކުނި އެޅި މީހަކާ ބެހޭ މައުލޫމާތު އީޕީއޭއިން މިގޮތަށް އާއްމު ކުރި ފުރަތަމަ ފަހަރުކަން ފާހަގަކޮށްލަމެވެ. އީޕީއޭއިން ބުނީ މިކަން އެބޭފުޅުންނަށް ރިޕޯޓުކުރީ ފުލުހުން ކަމަށާއި، މިކަމުގައި ފުލުހުންގެ ފަރާތުން ވެދެއްވާ އެއްބާރުލުމަށް ޝުކުރު އަދާކުރާކަމަށެވެ.
މީގެ އިތުރުން އީޕީއޭގެ ޓްވީޓުގައި ބުނެފައި ވަނީ މަގުމައްޗަށް ކުނި އެޅި މީހާ ޖޫރިމަނާކޮށްފައިވާ ކަމަށެވެ. ނަމަވެސް، ޖޫރިމަނާގެ ތަފްސީލެއް އެ އެޖެންސީން ދީފައި ނުވެއެވެ.
މަގުމައްޗަށް ކުނި އަޅާ މީހުންގެ ނަން އާންމުކުރުމުގެ ބާރު އީޕީއޭ އަށް ގާނޫނު އަސާސީ ދެއެވެ. އަދި ނަން އާއްމު ކުރުމަށްފަހު، އެ މީހުންގެ އަތުން ޖޫރިމަނާގެ ގޮތުގައި 300ރ. ނެގުން ގާނޫނުން އީޕީއޭއަށް ލާޒިމު ކުރެއެވެ.
