ވެލާނާ އިންޓަނޭޝަނަލް އެއާޕޯޓުގައި މަސައްކަތް ކުރާ މުވައްޒަފުންނަށް އެއްވެސް ފީއެއް ދެއްކުމަކާއި ނުލާ ޕާކް ކުރެވޭނެ ޕާކިން އޭރިޔާއެއް ކަނޑައަޅައި އެ ޕާކިން އޭރިޔާ ހުޅުވައި ދެއްވައިފި އެވެ.
މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) އިން ހުޅުވި މި ޕާކިން އޭރިޔާގައި 700 ސައިކަލް ޕާކް ކުރެވޭނެ އެވެ. މި ޕާކިން އޭރިޔާ ހުޅުވައިދެއްވީ ޓްރާންސްޕޯޓް އެންޑް ސިވިލް އޭވިއޭޝަން މިނިސްޓަރު އާއިޝަތު ނަހުލާ އެވެ.
މި ތަން ހުޅުވައިދެއްވުމަށްފަހު މިނިސްޓާރ ވިދާޅުވީ، ހިލޭ ޕާކް ކުރެވޭނެ އިންތިޒާމް ހަމަަޖައްސާފައިވުމުން އެއާޕޯޓުގައި މަސައްކަތް ކުރަމުން އަންނަ މުވައްޒަފުންނަށް ފަސޭހަވެގެން ދާނެ ކަމަށާއި އަދި އެއީ ސަރުކާރުގެ ފުރަތަމަ 100 ދުވަހުގެ ތެރޭގައި ހިމެނޭ ކަމެއް ކަމަށެވެ.
ލިޔުނީ: ޒިދާން މުޙައްމަދު
