ސަރުކާރުން ކަމެއް ކުރަން ބޭނުންވެގެން ކުރާނަމަ އީއައިއޭ ރިޕޯޓަށް އެއްވެސް ވަރަކަށް ރިޕޯޓަށް ނުބަލާ ކަމަށް ވިލިގިލި ދާއިރާގެ މެންބަރު ސައުދު ޙުސައިން ވިދާޅުވެއްޖެއެވެ. ސައުދު މިމޭރުމުން ވިދާޅުވީ ފަތުރުވެރިކަމަށް ބޭނުންވާ އީއައިއޭ ހެދުމުގެ މަސައްކަތް ރައީސް ޔާމީނުގެ ވެރިކަމުގައި ޓޫރިޒަމް މިނިސްޓްރީއަށް ބަދަލުކޮށްފައި ވަނިކޮށް އީއައިއޭ ހެދުން އަލުން އީޕީއަށް ބަދަލުކުރަން ހުށަހެޅި ބިލަށް ވާހަކަފުޅު ދައްކަވަމުންނެވެ.
މަޖިލީހުގައި ސައުދު ވިދާޅުވީ އީއައިއޭ ރިޕޯޓަށް ނުބަލައި ސަރުކާރުން ހިންގަން ބޭނުންވާ މަޝްރޫޢުތައް ހިންގުމުން ރަށްރަށުގައި ހުރި ކުޅިތައް ފަދަ ހިމާޔަތްކޮށްފައިވާ ތަންތަންވެސް ވަނީ ނުރައްކަލުގައި ކަމަށެވެ. އަދި އެފަދަ ތަންތަން ގެއްލިގެން ހިނގައިދާނެ ކަމުގެ ބިރު އެބައޮތް ކަމަށެވެ.
މިއަދަކީ މަސްވެރިންގެ ދުވަސްކަނަ ފާހަގަކުރައްވައި ސައުދު ވިދާޅުވީ މަސްވެރިންނަށް ކުރިމަތިވެފައިވާ އެންމެ ބޮޑު އެއް މައްސަލައަކީ އެންދެމުން ކަމަށާއި ރިޒޯޓޫތަކުގެ ފަރުބޭރުން އެން ދެމިއަނުދޭތީ ވަރަށް ބޮޑަށް ދަތިވާ ކަމަށެވެ. ރިޒޯޓު ހިންގަން ދޫކުރަނީ ރަށް ކަމަށާއި ރަށުގެ ފަރުން ބޭރު ނޫން ކަމަށެވެ.
