ކޯޓުތަކުގައި ކުރާ ޝަރީޢަތްތައް ސިއްރުކޮށް ޝަރީޢަތުގައި ސިއްރު ހެކިދޭން ފުރުޞަތު ދިނުމަށް މަގުފަހި ނުކުރުމަށް އޭދަފުށީ ދާއިރާގެ މެންބަރު އަޙްމަދު ސަލީމް ގޮވާލައްވައިފިއެވެ. މަޖިލީހުގައި ސަލީމް ވިދާޅުވީ ކޮންމެ މީހަކު ނަމަވެސް ކުށެއް ކޮށްފިނަމަ އެމީހެއްގެ މައްޗަށް ޝަރީޢަތް ކުރެވެން ޖެހޭނެ ކަމަށާއި އެކަން ކުރުން އަވަސް ވެސް ކުރަންޖެހޭނެ ކަމަށެވެ.
ނަމަވެސް ޝަރީޢަތްތައް ކުރެވެންޖެހޭނީ އިސްލާމް ދީނުގައި އޮތް ގޮތަށް ފައުޅުކަން ބޮޑު ގޮތެއްގައި ކަމަށެވެ. ސަލީމް ވިދާޅުވީ މައްސަލަތައް ބަލަން ހުރި މުއައްސަސާތަކުގައި ތިބި މީހުން ބަދަލުކުރަންޖެހޭނަމަ އެކަންކޮށްގެން ނަމަވެސް މައްސަލަތައް ބަލަން ފެށުން އަވަސްކުރަންވީ ކަމަށެވެ. އަދި މައްސަލަތައް ބެލުމުގެ ޤާބިލުކަން މުއައްސަސާތަކަށް ލިބިގެންވާ ކަމަށެވެ.
ސަލީމް ވިދާޅުވީ ޝަރީޢަތްތައް ސިއްރުކޮށް ސިއްރު ހެކިދޭތީ އިއްޔެ ކަންބޮޑުވި ފަދައިން މިއަދުވެސް ކަންބޮޑުވާން ޖެހޭނެ ކަމަށެވެ. އެކަން ކުރަން މަގުފަހިވާނެ އެއްވެސް ބިލެއް މަޖިލީހުން ފާސްކޮށްގެން ނުވާނެ ކަމަށެވެ.
