މަސްވެރިންގެ ދުވަހާއި އިންސާނީ ހައްގުތަކުގެ ދުވަސް ފާހަގަ ކުރަން ރައީސް އިބްރާހިމް މުހައްމަދު ޞާލިޙް މާދަމާ އުކުޅަހަށް ފުރާވަޑައިގަންނަވާ ގޮތަށް ހަމަޖެހިއްޖެއެވެ.
އެނގިފައިވާ ގޮތުން، ރައީސް ޞާލިޙް މާދަމާ އުކުޅަހަށް ވަޑައިގެން މަސްވެރިންގެ ދުވަހާއި އިންސާނީ ހައްގުތަކުގެ ދުވަސް ފާހަގަ ކުރުމަށް އެރަށުގައި ބާއްވާ ޖަލްސާގައި ބައިވެރިވެ ވަޑައިގަންނަވާނެއެވެ. އަދި އެއަށް ފަހު ރަށު ކައުންސިލާއި ޖަމިއްޔާތަކާއި ބައްދަލު ކުރައްވާނެއެވެ.
ހަމަ އެހެންމެ މި ދަތުރުފުޅުގައި އެރަށުގެ ރައްޔިތުންނާއި އެރަށުގެ ގެސްޓް ހައުސް ވިޔަފާރި ކުރައްވާ ފަރާތްތަކާވެސް އެ މަނިކުފާނު ބައްދަލު ކުރައްވާނެއެވެ.
ލިޔުނީ: ޒިދާން މުޙައްމަދު
