"ދިވެހިންނަށް މިހައިތަނަށް ލިބުނު އެންމެ އަގުބޮޑި ނިޢުމަތަކީ އިސްލާމް ކަމުގެ ނިޢްމަތެވެ. ކޮންމެ ދުވަސްވަރެއްގައިވެސް ސަރުކާރާއި ރައްޔިތުންގެ އެންމެ ބޮޑު ޒިންމާއަކީ އިސްލާމް ދީން ޙިމާޔަތް ކުރުމާއި އިސްލާމް ދީނަށް ރައްކައުތެރިވުމެވެ."
މިއީ މިއަދު ފާހަގަކުރާ ރާއްޖެ އިސްލާމް ވީތާ 892 ވަނަ ދުވަހާއި ގުޅުއްވައިގެން ފަޟީލަތުއްޝައިޚް ޢަލީ ޒާހިރު ބިން ސަޢީދު ޤާސިމް ކުރައްވަވާފައިވާ ޓްވީޓެކެވެ. ޘައިޚުގެ ބަސްފުޅުން އެނގިގެންދަނީ ރާއްޖޭގައި ކޮންމެ ސަރުކާރެއް ވެރިކަން ކުރި ނަމަވެސް ސަރުކާރުގެ ވެސް އަދި ރައްޔިތުންގެ އެންމެ ބޮޑު ޒިންމާއަކީ އިސްލާމް ދީން ޙިމާޔަތް ކުރުމާއި އިސްލާމް ދީނަށް ރައްކައުތެރިވުން ކަމެވެ.
އިސްލާމް ދީން ރައްކައުތެރި ނުކުރެވޭ ގޮތަށް ސަރުކާރުން އެއްވެސް ކަމެއް ކޮށްގެން ނުވާނެ ކަމާއި އަދި އެފަދަ އެއްވެސް ކަމެއް ސަރުކާރަކުން ކުރި ނަމަވެސް އެކަމެއް ރައްޔިތުން ބަލައިގަނެގެންވެސް ނުވާނެ ކަމެވެ. ރައްޔިތުން އަބަދުވެސް ދެމިތިބެންވާނީ އިސްލާމް ދީނަށް ނަޞްރު ދޭ އަދި ރާއްޖޭގައި އިސްލާމް ދީން ހިމާޔަތްކުރާ ބައެއްގެ ގޮތުގައި ކަމެވެ.
