ރާއްޖެ އިސްލާމްވީ ދުވަސް ފާހަގަކުރުމުގެ ގޮތުން ބޭއްވުމަށް ހަމަޖެހިފައިވާ މާދަމާ ރޭ ޖަލްސާ ދަރުބާރުގޭގައި ބޭއްވުމަށް މިހާރު ހަމަޖެހިއްޖެއެވެ.
ހޯމް މިނިސްޓްރީން މިއަދު އިއުލާން ކުރި ގޮތުގައި ރާއްޖެ އިސްލާމްވީ ދުވަސްފާހަގަކުރުމުގެ ގޮތުން ބާއްވާ ޖަލްސާ ކުރިން ބޭއްވުމަށް ހަމަޖެހިފައިވަނީ އިސްލާމީ މަރުކަޒުގައެވެ.
ނަމަވެސް މިހާރު އެ ޖަލްސާ ދަރުބާރުގޭގެ ރަންނަ ބަނޑޭރި މާލަމަށް ބަދަލު ކުރެވިފައިވާ ކަމަށް ހޯމް މިނިސްޓްރީން ބުނެފައިވެއެވެ. އެހެންނަމަވެސް އެޖަލްސާ ދަރުބާރުގެއަށް ބަދަލުކުރި ވަކިސަބަބެއް އެމިނިސްޓްރީން ބުނެފައެއް ނުވެއެވެ.
ރާއްޖެ އިސްލާމްވި ދުވަހުގެ ގޮތުން ބާއްވާ ޖަލްސާ އޮންނާނީ މާދަމާ ރޭ 9:00 ގައެވެ.
