މުޅި ރާއްޖެ ސާފުކުރުމަށް ރައީސް އިބްރާހީމް މުޙައްމަދު ޞާލިޙް މިއަދު ފެށްޓެވި ކެންޕޭނަކީ އިންޑިއާއިންވެސް ދަސްކުރަން އޮތް ފިލާވަޅެއް ކަމަށް އިޝާރާތްކުރައްވައި "އެކެއް އަނެކެއްގެ ކިބައިން ދަސްކުރަން ޖެހޭ ވަރަށް ގިނަ ކަންތައްތަކެއް އެބަހުރި" ކަމަށް ރާއްޖޭގައި ހުންނަވާ އިންޑިއާ ސަފީރު އަކިލޭޝް މިޝްރާ ވިދާޅުވެއްޖެއެވެ.
ރައީސް އިބްރާހީމް މުޙައްމަދު ޞާލިޙްގެ ވެރިކަމަކީ ރައްޔިތުންނާއި ގުޅިގެން ރައްޔިތުންނާއި ބައިވެރިވެގެން މަސައްކަތް ކުރުމުގައި ޢިބްރަތްތެރި، ނަމޫނާ ދައްކަމުން ގެންދާ ވެރިކަމެއްކަން ފާހަގަ ކުރައްވައި މިޝްރާ ވަނީ ރައީސް އިބްރާހީމް މުޙައްމަދު ޞާލިޙު ދައްކަވަމުން ގެންދަވާ ލީޑަރޝިޕަށް ތައުރީފް ކުރައްވައިފައެވެ. އަދި އެކަމަށް މަރުޙަބާ ވެސް ވަނީ ވިދާޅުވެފައެވެ.
ރައީސް ޞާލިޙް މިހައިތަނަށް ފާހަގަ ކުރެވެމުން އަންނަނީ ރައްޔިތުންގެ ތެރޭގައި ހުންނަވައިގެން ރައްޔިތުންގެ އަޑު އައްސަވައިގެން ރައްޔިތުންނާއިއެކު މަސައްކަތް ކުރައްވައި ވެރިކަން ކުރައްވާ ލީޑަރެއްގެ ގޮތުގައިކަން ގިނަ ބައަކު ދަނީ ފާހަގަކުރަމުންނެވެ. ވަކި ގިންތިއަކަށް ނުބައްލަވައި ރައްޔިތުންނާއި ބައްދަލުކުރައްވައި ހިތްޕުޅު ހެޔޮ ކަމުގެ ނަމޫނާ ގެންދަވަނީ ދައްކަވަމުންނެވެ.
އިސްލާމީ ތާރީޚަށް ބެލިނަމަވެސް އެންމެ ކާމިޔާބުކަމާއިއެކު ވެރިކަން ކުރައްވާފައިވަނީ ރައްޔިތުންނާއި އެންމެ ގާތުން ވެރިކަން ކުރެއްވި ބޭފުޅުންނެވެ. ވަކި ފެންވަރަކަށް ބެއްލެވުމެއް ނެތި ރައްޔިތުންނާއި ބައްދަލުކުރައްވައި ރައްޔިތުންގެ އަޑު އައްސަވައިގެން ވެރިކަން ކުރެއްވި ވެރިންނެވެ.
