އިސްލާމީ މަރުކަޒު ކައިރިން ބަންދުކޮށްފައިވާ މަގު އަލުން ހުޅުވުމަކީ މައްސަލައެއް ކަމަށް ދެކެވަޑައި ނުގަންނަވާ ކަމަށް ޝައިޚް ޢަލީ ޒައިދު ވިދާޅުވެއްޖެއެވެ.
ޝައިޚް ޢަލީ ޒައިދު ވިދާޅުވީ އެ މަގު ބަންދުކުރުމުން ލިބޭ ފައިދާއަށްވުރެ އެމަގު ހުޅުވައިގެން ދަތުރުފަތުރަށާއި ޢާންމުންނަށް ލިބޭ ފަސޭހަ ބޮޑުކަމަށް ދެކެވަޑައިގަންނަވާ ކަމަށެވެ.
ޝައިޚް އަލީ ޒައިދު ވިދާޅުވީ މިފަދަ ބަސްފުޅެއް ވިދާޅުވީ ބައެއް ބޭފުޅުން އެކަމާއިބެހޭ ގޮތުން ސުވާލުކުރައްވާތީ ކަމަށެވެ. ހައުސިންގ މިނިސްޓަރ ޑރ. މުޢިއްޒު އެންމެ ފަހުން ވިދާޅުވެފައިވަނީ ސަރަހައްދު ބަނދުކޮށްފައި ބާއްވަނީ ގިނަ އަދަދެއްގެ ކުޑަކުދިން އުޅޭ ސަރަހައްދަކަށްވާތީ އެކުދިންގެ ސަލާމަތަށް ކަމަށެވެ. އެގޮތުން ބަލައިފިނަމަ ކުޑަކުދިންގެ ބަގީޗާއަކީ ވެސް ކޮންމެ ދުވަހަކު އެތައް ސަތޭކަ ކުދިން ޒިޔާރަތްކުރާ ސަރަހައްދަކަށްވާއިރު އެ ސަރަހައްދުގައި ކުދިންގެ ސަލާމަތަށް އެއްވެސް ކަމެއް ނުކުރާކަން ފާހަގަކުރެވެއެވެ.
ސަލްޓަން ޕާކަށް ދާ ކުދިންގެ އަދަދަށްވުރެ ނިޞްބަތުން އަދިވެސް ގިނަ ވާނީ ކުޑަކުދިންގެ މަގީޗާއަށް ދާ ކުދިންކަން ފާހަގަކުރެވެއެވެ. އެ ސަރަހައްދު ބަންދުކުރުމުން ޓްރެފިކް މައްސަލަތައް އިންތިހާއަށް ބޮޑުވާނެ ކަމަށް ބުނެ ގިނަ ބައަކު އައީ އެންމެ ކުރިންސުރެ ކަންބޮޑުވުން ފައުޅުކުރަމުންނެވެ. އަދި އެކަމުގެ ސަބަބުން އިސްލާމިކް މިނިސްޓްރީއަށާއި އިސްލާމީ މަރުކަޒަށް ދިއުމަށްވެސް ވަނީ ދަތިތައް ކުރިމަތިވެފައެވެ.
