ކޮރަޕްޝަންގެ މައްސަލަތައް ބަލައި، ދައުލަތަށް ގެއްލިފައިވާ ފައިސާތައް ހޯދުމަށް ރައީސުލްޖުމްހޫރިއްޔާ އުފައްދަވާފައިވާ ޕްރެޒިޑެންޝަލް ކޮމިޝަން އޮން ކޮރަޕްޝަން އެންޑް އެސެޓް ރިކަވަރީގެ މެމްބަރު ކަމަށް އައު ބޭފުޅަކު އައްޔަނު ކުރައްވައިފިއެވެ.
ޕްރެޒިޑެންޝަލް ކޮމިޝަން އޮން ކޮރަޕްޝަން އެންޑް އެސެޓް ރިކަވަރީގެ މެމްބަރު ކަމަށް އައު ބޭފުޅަކު އައްޔަން ކުރެއްވީ އެ ކޮމިޝަންގެ މެމްބަރަކަށް ކުރިން ހުންނެވި އައިޝަތު ހަނާ ވަހީދު އެ މަގާމުން އިސްތިއުފާ ދެއްވުމާއި ގުޅިގެންނެވެ.
ހުސްވެފައިވާ މެމްބަރު ކަމުގެ މަގާމަށް އައްޔަން ކުރައްވާފައިވަނީ މ. މިރުސްގަސްދޮށުގޭ އައިމިނަތު ހަސަން އެވެ.
ޕްރެޒިޑެންޝަލް ކޮމިޝަން އޮން ކޮރަޕްޝަން އެންޑް އެސެޓް ރިކަވަރީ އަކީ ކޮރަޕްޝަނާއި ގުޅުން ހުރި މައްސަލަތައް ބަލާ ތަހުގީގު ކުރުމަށް މި ސަރުކާރުން މުޅިން އަލަށް އެކުލަވާލާފައިވާ އައު ކޮމިޝަނެކެވެ.
