މިނިސްޓަރ އޮފް ހަޔަރ އެޑިއުކޭޝަން ޑރ. އިބްރާހިމް ހަސަން، ކޯސްޓްލައިން ފައުންޑޭޝަންގެ ސީ.އެސް.އާރު ޕްރޮޖެކްޓެއްގެ ދަށުން އުފައްދާފައިވާ ޓެކްނިކަލް އެންޑް ވޮކޭޝަނަލް އެޑިޔުކޭޝަން ސެންޓަރ (ޓިވެކް) ގެ އިސްވެރިންނާއި ބައްދަލުކުރައްވައިފިއެވެ.
މި ބައްދަލު ކުރެއްވުން އޮތީ މިނިސްޓްރީ އޮފް ހަޔަރ އެޑިއުކޭޝަން ގައެވެ.
މި މަޝްވަރާ ބައްދަލު ވުމުގައި ޓިވެކްގެ ގެ އަމާޒާއި،ކޮންސެޕްޓް އަދި ޓިވެޓް ކޮލިފިކޭޝަން ތަކުގެ ވަކި ފްރޭމްވާރކްއެއް ނެތުމުން ހުރި ދަތިތައް ޓިވެކްގެ ފަރާތުން މިނިސްޓަރ އާއި ހިއްސާކުރެއްވިއެވެ. ޓިވެކްގެ ކާމިޔާބީއަކީ ދަރިވަރުން ދަސްވެނިންނަށްވުމަށްވުރެ ވަޒީފާގެ ދާއިރާއަށް އަހުލުވެރިވުންކަމާއި މިއީ މިގޮތަށް ހުޅުވުނު (ކިޔަވައި ދިނުމުގެ އިތުރުން، ދަރިވަރުންގެ އެކޮމޮޑޭޝަން، ރެސްޓޯރެންޓް، ފިހާރައެއް އަދި އެހެނިހެން ޚިދުމަތްތައް ލިބޭގޮތަށް) ފުރަތަމަ މަރުކަޒުކަމަށްވާތީ ދިމާވާ އެހެނިހެން ގޮންޖެހުންތައް ވެސް މިނިސްޓަރ އާއި ހިއްސާކުރެއްވިއެވެ.
މިނިސްޓަރ އޮފް ހަޔަރ އެޑިއުކޭޝަންޑރ.އިބްރާހިމް ހަސަންގެ ވާހަކަފުޅުގައި ރާއްޖޭގައި މި ފަދަ މަރުކަޒެއް ހުޅުވައިގެން ރާއްޖޭގެ ދަރިވަރުންނަށް ޚިދުމަތްދިނުން މިއީ ވަރަށް ރަނގަޅު ކޮންސެޕްޓެއް ކަމަށް ފާހަގަކުރައްވައި، އަދި ޒުވާނުންނަށް މިލިބޭ ފުރުޞަތުގެ ބޭނުން އެންމެ އެކަށީގެންވާ ގޮތުގައި ބޭނުންހިފޭނެ މަގު ފަހި ކޮށްދެއްވުމަށް މި މިނިސްޓްރީން ކުރެވެންހުރި ކަންތައްތަކުގައި އެއްބާރުލުންދެއްވާނެ ކަމަށް ވިދާޅުވިއެވެ. އަދި މި ފަދަ މަޝްވަރާތައް ހުއްޓާނުލައި ކުރިއަށްގެންދިއުމުގެ މުހިންމުކަންވެސް ފާހަގަކުރެއްވިއެވެ.
މިބައްދަލުވުމުގައި މިނިސްޓްރީ އޮފް ހަޔަރ އެޑިއުކޭޝަންގެ (ވަގުތީ) ޕާރމަނަންޓް ސެކްރެޓަރީ ޑރ. ޢަބްދުއްރަޙީމް ހަސަން އާއި އަދި ކަމާއި ބެހޭ ވެރިން ބައިވެރިވެ ވަޑައި ގަތެވެ.
