ރާއްޖޭގެ އޮންލައިން ނޫސް "މިހާރު" އަށް ދިން ބަސްދީގަތުމެއްގައި ރާއްޖެއަށްް ސްޕޯޓްސް ޓޫރިޒަމް ގެނައުމަށް މަސައްކަތް ކުރާނެ ކަމަށް ޓޫރިޒަމް މިނިސްޓަރު އަލީ ވަހީދު ވިދާޅުވެއްޖެއެވެ.
މިނިސްޓަރު އަލީ ވަހީދު ވިދާޅުވީ ޓޫރިޒަމް ފުޅާ ކުރުމަށްޓަކައި މޯލްޑިވްސް މާކެޓިން އެންޑް ފަބްލިކް ރިލޭޝަންސް (އެމްއެމްޕީއާރްސީ) މެދުވެރިކޮށް ކުރަމުން އަންނަ އިރު އެކި ދާއިރާތަކުން ޓޫރިޒަމް ފުޅާ ކުރުމުގެ ވިސްނުން ގެންގުޅުއްވާ ކަމަށެވެ.
ދުނިޔޭގެ އެންމެ ޓޮޕް ބްރޭންޑްގެ ގޮތުގައި ރާއްޖެ ބޭއްވުމަށް އަބަދުވެސް މަސައްކަތް ކުރައްވާނެ ކަމަށާއި ލޯކަލް ޓޫރިޒަމާއި ހުރިހާ ދާއިރާއަކުން ޓޫރިޒަމް ފުޅާ ކުރުމަށް މަސައްކަތް ކުރައްވާނެ ކަމަށް ވެސް މިނިސްޓަރު އަލީ ވަހީދު ވިދާޅުވެފައެވެ.
މި ސަރުކާރުން އަންނަނީ ފަތުރުވެރިކަމުގެ ދާއިރާއަށް ކުރިއެރުންތައް ލިބޭނެ ގޮތްތައް ހޯދާ، ރާއްޖޭގައި އޮތް ފަތުރުވެރިކަމުގެ ސިނާއަތު އިތުރަށް ހަރުދަނާ ކުރުމުގެ މަސައްކަތް ކުރަމުންނެވެ.
