ފުލުހުންގެ ޔުނިފޯމްގަ ޚިދުމަތްކުރައްވަން ބޭނުންފުޅު ކަމަށް މުޙައްމަދު ޙަމީދު ވިދާޅުވެއްޖެއެވެ.
ފުލުހުންގެ އިންޓެލިޖެންސް ޑިޕާޓްމެންޓްގެ ކުރިގެ ވެރިޔާ މުޙައްމަދު ހަމީދު (އެމްސީ ހަމީދު) މިމޭރުމުން ވިދާޅުވީ ފުލުހުންގެ ވަޒީފާއިން އޭނާ ވަކިކުރީ ރަނގަޅަށް ނޫން ކަމަށާއި އެހެންކަމުން އޭނާއަށް ފުލުހުންގެ ވަޒީފާ އަލުން ދޭން ސުޕްރީމް ކޯޓުން މިއަދު އަމުރު ކުރުމާއި ގުޅިގެން ޝުކުރު އަދާކުރައްވައި ކުރެއްވި ޓްވީޓުގައެވެ.
ޙަމީދު ވިދާޅުވެފައިވަނީ އޭނާ އަދާކުރެއްވި މަޤާމަށް ބެއްލެވުމެއް ނެތި ކޮންމެ މަޤާމެއްގައި ނަމަވެސް ފުލުހެއްގެ ގޮތުގައި ޚިދުމަތް ކުރައްވަން ތައްޔާރަށް ހުންނެވި ކަމަށެވެ. އަދި ގެއްލިފައިވާ އިތުބާރު ފުލުހުންނަށް ހޯއްދަވައި ދެއްވުމަށާއި ފުލުހުންގެ މަސައްކަތްތައް ރަނގަޅު ކުރެއްވުމަށް މަސައްކަތް ކުރައްވާނެ ކަމަށެވެ.
