ރައީސުލްޖުމްހޫރިއްޔާ އިބްރާހިމް މުހައްމަދު ޞާލިޙް ރޭގެ ވަގުތެއްގައި އައިޖީއެމް ހޮސްޕިޓަލަށް ވަޑައިގެން އެ ހޮސްޕިޓަލުގައި ތިބި ބަލި މީހުންގެ ހާލު ބައްލަވާލައްވައިފިއެވެ.
އެނގިފައިވާ ގޮތުން އެމަނިކުފާނު ރޭ އައިޖީއެމްއަށް ވަޑައިގަތީ ނުރަސްމީ ހައިސިއްޔަތަކުންނެވެ.
ރޭ ބަލި މީހުންނަށް ރައީސް ކުރެއްވި ޒިޔަރަތުގެ ތެރއިން ނަގާފައިވަ ފޮޓޯތަކެއް މިހާރު ވަނީ މީސްމީޑިއާގައި އާންމު ވެފައެވެ.
ނަމަވެސް، ސަރުކާރުގެ ރަސްމީ ފަރާތަކުން މިކަމާ ގުޅޭ ވާހަކައެއް އަދި ދައްކާފައި ނުވެއެވެ.
ރައީސް ޞާލިޙް އައިޖީމެމް ހޮސްޕިޓަލަށް ވަޑައިގެންނެވުމާއި ގުޅިގެން ދީނީ އިލްމުވެރިޔާ ޑރ.މުހައްމަދު އިޔާޒު ވަނީ އެކަމަށް ހިތްވަރުދެއްވައި، އެގޮތުގައި ދެމިހުންނެވުމަށް އެދިލައްވާފައެވެ.
އައިޖީއެމް ހޮސްޕިޓަލުގެ މީޑިއާ އޮފިޝަލް ވިދާޅުވީ، ރައީސް ވަޑައިގެންކަން އެނގިފައި ނުވާ ކަމަށެވެ. އެމަނކުފާނު ވަޑައިގަތީ އަމިއްލަ ހައިސިއްޔަތަކުން ކަމަށެވެ.
އެމަނިކުފާނު އާންމުންގެ ތެރެއަށް ނުކުންނަ އިރު، ރައީސް ޔާމީންއާ ވަރަށް ތަފާތުކަން ފާހަގަކޮށްލެވުނެވެ. އެގޮތުން ހަތިޔަރު އެޅި ފައުޖު އެމަނިކުފާނާއި އެކު ނޫޅުއްވައެވެ.
