މަޖިލިސް މެންބަރުން ޕާޓީ ބަދަލުކުރުމުން ކުރިމަތިކުރުވާ މައްސަލަތަކާއި ގުޅޭގޮތުން ޖޭޕީގެ ޕީޖީ ލީޑަރު ޢަބްދުﷲ ރިޔާޟް ވިދާޅުވަނީ "ޖޭޕީގެ ޓިކެޓުގައި ހޮވުނު މެންބަރަކު އެހެން ޕާޓީއަކަށް ދިއުން އޯކޭ- އެކަމަކު އެހެން ޕާޓީއަކުން ހޮވޭ މެންބަރަކު ޖޭޕީއަށް ބަދަލުވުން އޯކޭ އެއް ނޫން." ކަމަށެވެ. ރިޔާޟް މިވާހަކަފުޅާއިއެކު ޓްވީޓް ކުރައްވާފައިވަނީ ޖޭޕީގެ ޓިކެޓުގައި މަޖިލީހަށް އިންތިޚާބުވި މުހައްމާ ރޭ އެމްޑީޕީއަށް ސޮއިކުރި ޚަބަރެވެ.
ރައީސް ޔާމީނުގެ ވެރިކަމުގައި ވަނީ ގިނަ މުހައްމާ އާއި އިތުރު މެންބަރުން ތަކެއް ޕީޕީއެމަށް ގެންގޮސްފައެވެ. ބައެއް މެންބަރުންނަށް މަރުޙަބާ ކިޔަން ޕީޕީއެމުން ވަނީ ބޮޑެތި ހަފްލާތައް ބާއްވައިފައެވެ. ނަމަވެސް ޖޭޕީން ޕީޕީއެމަށް ގެންދިއަ މެންބަރުން އެނބުރި ޖޭޕީ އާއި ގުޅިއްޖެނަމަ މަރުހަބާ ވިދާޅުވާނެ ކަމަށް ލީޑަރު ޤާސިމް އިބްރާހީމް ޢާންމުކޮށް ލައިވްކޮށްފައި ހުރި ޖަލްސާއެއްގައި ވިދާޅުވުމުން ވަނީ އެކަމަކީ ރިޝްވަތު ހުށަހެޅުން ކަމަށް ހަދައިފައެވެ.
އަދި އެމަނިކުފާނުގެ މައްޗަށް 3 އަހަރާއި 2 މްސް ދުވަހާއި 12 ދުވަހުގެ ޖަލު ޙުކުމެއްވެސް ވަނީ އިއްވުވައިފައެވެ. ޕީޕީއެމްގެ މެންބަރުން އެ ޕާޓީން ވަކިވުމުން ވަނީ 12 މެންބަރުންގެ ގޮނޑި ގެއްލުވާލައި އެންޓި ޑިފެކްޝަންގެ ޤާނޫނެއްވެސް ފާސްކޮށް ތަންފީޒުކޮށް އަމަލުކޮށްފައެވެ.
އަދި އެ ބިލު އުވައިލުމަށް މަޖިލީހަށް ހުށަހެޅުމުން ވެސް ޕީޕީއެމްގެ މެންބަރުން ވަނީ ކަންބޮޑުވުން ފައުޅުކޮށްފައެވެ. "އެހެން ޕާޓީތަކުން ޕީޕީއެމާ ގުޅުން އޯކޭ. ޕީޕީއެމްގެ މެންބަރުން އެހެން ޕާޓީ އަކާ ގުޅުން އޯކޭއެއް ނޫން" ކަން ހާމަކޮށްފައެވެ.
