ރައްޔިތުންގެ މަޖިލީހުގެ އެންމެ މުހިންމު މަސައްކަތަކަށް ވާނީ ސަރުކާރު ޒިންމާދާރުކުރުވުން ކަމަށާއި ސަރުކާރު ޒިންމާދާރުކުރުވުމުގެ މަސައްކަތް މަޖިލީހުގެ މެނަބަރުން ކުރާނެ ކަމަށް ޖޭޕީގެ ޕީޖީ ލީޑަރު ޢަބްދުﷲ ރިޔާޟް ވިދާޅުވެއްޖެއެވެ.
މިސަރުކާރަށް ކޮރަޕްޝަނުގެ އަމަލުތައް ކުރުމަށާއި ވައްކަން ކުރުމަށް އަދި ޤާނޫނުތަކާއި ޚިލާފަށް ކަންތައްތައް ކުރުމުގެ ފުރުޞަތު ލިބުނީ މަޖިލީހުން މަޖިލީހުގެ ޒިންމާ އަދާނުކުރުމުން ކަމަށް ވެސް ރިޔާޟް ވަނީ ވިދާޅުވެފައެވެ. އަދި ރައީސް ޔާމީން މަޖިލީހުގެ ބާރު ކަނޑުއްވައިލެއްވީ ވެސް އެ ސަބަބަކަށްޓަކައި ކަމަށްވެސް ރިޔާޟް ވަނީ ވިދާޅުވެފައެވެ.
ރިޔާޟް މިއަދު ވިދާޅުވީ މިއަދަކީ އުފާވެރި ދުވަހެއް ކަމަށާއި މިއަދަކީ ރައީސް ޔާމީނުގެ ސަރުކާރުން ފާސްކުރި އެންޓި ޑިފެކްޝަނުގެ ޤާނޫނު އުވި މެންބަރުން ކަސްތޮޅުން ނެއްޓުނު ދުވަސް ކަމަށެވެ.
