އެންމެ ގިނަ ބައަކު ސުވަރުގެ ވައްދަވާނެ ސަބަބު ކަމުގައި ނުވަތަ ޢަމަލުކަމުގައި ޙަދީޘުން ފެންނަން އޮތީ ސުވަރުގެ ޙާޞިލްކުރަންއެދޭ ހަމަ ކޮންމެ މީހަކަށްވެސް ވަރަށް ފަސޭހައިން ކުރެވޭނެ 2 ކަމެކެވެ.
އަބޫހުރައިރާ ރަޟިޔަﷲ އަންހުގެ ކިބައިން ރިވާވެގެން ވެއެވެ.
ނަބިއްޔާ ސައްލަﷲ އަލައިހި ވަސައްލަމް އާ ސުވާލުކުރެވުނެވެ. "މީސްތަކުން އެކަމެއްގެ ސަބަބުން އެންމެ ގިނައިން ސުވަރުގެ ވައްދަވަނީ ކޮންކަމަކާއި ގުޅިގެންތޯއޭ؟"
ޖަވާބުގައި ހަދީޘްކުރެއްވެވިއެވެ. " އެންމެ ގިނައިން މީހުން ސުވަރުގެ ވެއްދެނީ ﷲ އަށް ތަޤުވާވެރިވުމާއި އަދި ރިވެތި އަޚްލާޤް ގެ ސަބަބުންނެވެ!"
ސުވަރުގެ ވަންތަ ވެރިން ސުވަރުގެ ވަދެވުން އެސިފަތަކެއް އަޅުގަނޑުމެންގެ ކިބައިގައި ހުރެއްޖެކަމުގައިވާނަމަ ﷲ ގެ ރަހުމަތުގެ ގޯތި، ސުވަރުގެ ޙާޞިލްކުރެވޭނެ ވަރަށް ގިނަ ކަންތައްތަކެއް މިދަނީ ހާމަކުރެވެމުންނެވެ.
އެހެންވީމާ މިސިފަތައް ފުރިހަމައަށް އަޅުގަނޑުމެންގެ ކަބައިގާ އަށަގަނެވޭތޯ ގަދައަޅާ މަސައްކަތް ކުރަމާ ހިނގާށެވެ!
--ޑރ. މުޙައްމަދު އިޔާޟް ޢަބްދުއްލަޠީފް މިއަދުނޫހަށް ދެއްވާފައިވާ ޚާއްޞަ ދަރުސަކުން
