2 މީހަކަށް، ކޮންމެ މީހަކަށް 4 ފުޅި ހުވަނދުލިބޭ މިއަދުގެ ސުވާލު: އެ 2 ގުނަވަނަކަށް ރައްކާތެރިވުމުން އެމީހަކު ސުވަރުގެ ވައްދަވަން ޖާމިނުވެވަޑައިގަންނަވާނެ ކަމަށް ރަސޫލާ ﷺ ހަދީޘްކުރެއްވެވި 2 ގުނަވަނަކީ ކޮބާ؟
ކިޔުންތެރިން އެދޭތީ ރަމަޟާން މަހަށްފަހު ކުރިއަށް އޮންނަ 10 ދުވަހުވެސް މިއަދުނޫހުން ކިޔުންތެރިންނަށް ސުވާލެއް ހުށަހަޅަމުން ގެންދާނަމެވެ. އިން ޝާ ﷲ
ކިޔުންތެރިންނަށް އޮތީ ހަމަ ރަމަޟާން މަހު ފަދައިން ސުވާލަށް ޖަވާބު ދެއްވުމެވެ. ޖަވާބު ނުބައިވެދާނީވެސް ބިރުގަންނާނެ ކަމެއް ނެތެވެ. އެނގިލައްވާ، ފެނިލައްވާ ގޮތަކަށް ޖަވާބުދެއްވާށެވެ. އަޅުގަނޑުމެންގެ އަމާޒަކީ ދިރިއުޅުން އިޞްލާޙްކޮށް އިސްލާމް ދީނަށް ލޯބިކުރުމުގެ ޝައުޤުވެރިކަން ކިޔުންތެރިންގެ ހިތްތަކުގައި އުފައްދުވަން މަސައްކަތްކުރުމެވެ.
ޝައްވާލުމަހުގެ 7 ވަނަ ދުވަހުގެ ސުވާލު:
އެ 2 ގުނަވަނަކަށް ރައްކާތެރިވުމުން އެމީހަކު ސުވަރުގެ ވައްދަވަން ޖާމިނުވެވަޑައިގަންނަވާނެ ކަމަށް ރަސޫލާ ﷺ ހަދީޘްކުރެއްވެވި 2 ގުނަވަނަކީ ކޮބާ؟
އިނާމު ހޯއްދަވަން ޖަވާބު ދެއްވުމުގެ ފުރުޞަތު ސުވާލު ޝާއިޢުކުރާ ވަގުތުން ފެށިގެން 24 ގަޑިއިރަށް!
