މިއަދުގެ ރެސިޕީ: ޗޮކްލެޓް ޕުޑިން ކޭކް

ބޭނުންވާނެ ތަކެތި:

· 3 ޖޯޑު ފުށް

· 3 މޭޒުމަތީ ސަމުސާ ތެޔޮ (ކައްކާ ތެޔޮ)

· 2 ޖޯޑު ހަކުރު

· 2 ޖޯޑު ބްރައުން ޝުގާރ

· 1 ½ޖޯޑު ކޮކޯ ޕައުޑާރ

· ¼ ޗޮކްލެޓް ޗިޕްސް

· 1 ½ މޭޒުމަތީ ސަމުސާ ބޭކިން ޕައުޑާރ

· 1 މޭޒުމަތީ ސަމުސާ ވެނީލާ އެކްސްޓްރެކްޓް

· ½ މޭޒުމަތީ ސަމުސާ ލޮނު

· 1 ¼ ޖޯޑު ހޫނު ފެން

· ½ ޖޯޑު ކިރު (ފުލްކްރީމް މިލްކް)

ތައްޔާރު ކުރާނެ ގޮތް:

· އެންމެ ފުރަތަމަ އަވަން 350 ޑިގްރީސް އަށް (ސެލްސިއަސް އިން ނަމަ 175 ޑިގްރީސް އަށް) ހޫނު ކުރަން ޖައްސާށެވެ.

· އަވަން ހޫނު ވަމުންދާ ވަގުތު، ތައްޓެއްގައި ފުށް، ހަކުރު، ކޮކޯއާ، ބޭކިންގ ޕައުޑަރ އަދި ލޮނު އަޅާފައި ރަނގަޅަށް އެއްކޮށްލާށެވެ.

· އެއަށްފަހު އޭގެ ތެރެއަށް ކިރާއި ތެޔޮފޮދު ވެސް އެޅުމަށްފަހު ރަނގަޅަށް އެއްކޮށްލާށެވެ.

· ދެން ބްރައުން ޝުގާރ ކޮޅަކާއި އިތުރަށް ކޮކޯއާ ކޮޅެއް އޭގެތެރެއަށް އެޅުމަށްފަހު ޗޮކްލެޓް ޗިޕްސް ކޮޅުވެސް، ތައްޔާރުކުރި ފުށްގަނޑު ތެރެއަށް އަޅާލާށެވެ.

· އަދި އެއަށްފަހު ހޫނުފެނުގެ ތެރެއަސް ވެނީލާ އެކްސްޓްރެކްޓް އެޅުމަށްފަހު، އެހޫނު ފެންފޮދު ފުށްގަނޑު ތެރެއަށް އަޅާލާށެވެ.

· އެއަށްފަހު ޓްރޭއަކަށް ފުށްގަނޑު އެޅުމަށްފަހު 35-30 މިނެޓު ވަންދެން އަވަނުގައި ފިހެލާށެވެ. ޗޮކްލެޓް ޕުޑިން ކޭކު ތައްޔާރު ކުރެވުނީއެވެ. ބޭނުންނަމަ ކޭކުގެ މައްޗަށް ދިޔާ ޗޮކްލެޓް ނުވަތަ އައިސްކްރީމް އަޅައިގެން ވެސް ކެވިދާނެއެވެ.