ލިޔުނީ: ޒިދާން މުހައްމަދު
މިއަހަރުގެ އޭޕްރީލް މަހު އޮންނަ، ރައްޔިތުންގެ މަޖިލީހުގެ އިންތިހާބަށް ވާދަ ކުރުމަށް އަދާލަތު ޕާޓީން އިއުލާން ކުރި 13 ދާއިރާގެ ތެރެއިން 12 ދާއިރާއަކަށް ޖުމުލަ 13 މީހަކު ކުރިމަތިލައިފިއެވެ.
12 ދާއިރާއަށް 13 މީހުން ކުރިމަތިލިއިރު، އެއް ދާއިރާއަށް 2 މީހަކު ކުރިމަތިލާފައި ވާކަން ފާހަގަކޮށްލަމެވެ. އެގޮތުން، 2 މީހަކު ކުރިމަތިލީ ރ. އިނގުރައިދޫ ދާއިރާއަށެވެ. އެހެންކަމުން، އަންނަ ހަފްތާ އެ ދާއިރާގެ ޕްރައިމަރީ ބޭއްވުމަށް އެ ޕާޓީން ދަނީ މަސައްކަތް ކުރަމުންނެވެ.
ނަމަވެސް، އަދާލަތުން ކުރިމަތިލާން އިއުލާން ކުރި 13 ދާއިރާގެ ތެރެއިން ކުޅުދުއްފުށީ އުތުރު ދާއިރާއަށް އެއްވެސް މީހަކު ކުރިމަތިލާފައި ނުވެއެވެ. އަދި ދާއިރާތަކުން ކުރިމަތިލާފައިވާ ބޭފުޅުންގެ ނަންތައް އެ ޕާޓީން ހާމަކޮށްފައި ނުވެއެވެ.
