ދީނީ އެއްބައިވަންތަކަން ގެއްލޭ ކަންކަން ކުރާ މީހުންނާމެދު ޤާނޫނާއި އެއްގޮތަށް ފިޔަވަޅު އެޅުމަށް ޝައިޚް ޝަފީޢު ޢަބްދުﷲ ގޮވާލައްވައިފިއެވެ.
ޝައިޚް ޝަފީޢު ޢަބްދުﷲ ވިދާޅުވީ ދިވެހިރާއްޖެއަކީ އިސްލާމީ ޤައުމެއް ކަމަށާއި އަދި ދީނީ އެއްބައިވަންތަކަން ނެތިދާފަދަ ގޮތްގޮތަށް ވާހަކަ ދައްކާ މީހުންނާ ދެކޮޅަށް ފިޔަވަޅު އެޅޭނެ ޤާނޫނެއްވެސް އޮވެމެ މައްސަލައަކީ، ދީނަށް ފުރައްސާރަކުރާ މީހުންނާއި، ލާދީނީ ސެކިއުލަރ ފިކުރު ފަތުރަން ވާހަކަ ދައްކާ މީހުންނާ ދެކޮޅަށް ފިޔަވަޅު ނުއަޅާކަން ކަމަށެވެ.
ޝައިޚް ޝަފީޢު ޢަބްދުﷲ ވިދާޅުވީ އިސްލާމް ދީން ދޫކޮށް ދާ މީހުންނާއި، ލާދީނީ ފިކުރަށް ބައަކު މީހުން ތަބާވުން ހުއްޓުވުން އުދަނގޫ ވެދާނެކަމަށާއި ނަމަވެސް މި ޤައުމުގައި ތިބެގެން ބޭނުން އެއްޗެއް ބޭނުން ތަނަކު ބުނެވިގެން ނުވާނެ ކަމަށާއި އެއީ، ޤާނޫނީ ކުށަކަށްވާތީ ކަމަށެވެ.
ސަރުކާރުން މިކަމުގެ ޒިންމާ ނަގައި، ސަރުކާރުން އަދާ ކުރަންޖެހޭ ވާޖިބު އަދާކުރުމަށް ގޮވައިލައްވާ ކަމަށްވެސް ޝައިޚް ޝަފީޢު ވިދާޅުވިއެވެ.
