ރައްޔިތުންގެ މަޖިލިސް މިއަހަރަށް ހުޅުވާ ދުވަސް ކަމުގައިވާ ފެބްރުއަރީ މަހުގެ 7 ވަނަ ދުވަހަކީ ސަރުކާރު ބަންދު ދުވަހެއް ކަމުގައި ރައީސް އިބްރާހިމް މުޙައްމަދު ޞާލިޙު ކަނޑައަޅުއްވައިފިއެވެ.
މަޖިލިސް ފެށޭ ދުވަސް ބަންދު ދުވަހެއް ކަމުގައި މިކަނޑައެޅީ، ކުރިން ވެސް އޮތް އެގޮތް ކުރީގެ ރައީސް އަބްދުﷲ ޔާމީން އަބްދުލްޤައްޔޫމްގެ ވެރިކަމުގައި ބަދަލު ކޮށްފައިވަނިކޮށެވެ.
މިދައުރުގެ ފުރަތަމަ ޖަލްސާގައި، ރައީސް ޞާލިޙުގެ ފުރަތަމަ ރިޔާސީ ބަޔާން އިއްވުމަށް ވެސް ވނީ ހަމަޖެހިފައެވެ.
މިއަހަރުގެ ފެބްރުއަރީ މަހުގެ ހަތްވަނަ ދުވަހަކީ ބުރާސްފަތި ދުވަހަކަށްވުމުން، އެދުވަހާއިއެކު އެހަފްތާގެ 3 ދުވަސް ސަރުކާރު ބަންދުވާނެ ކަމަށެވެ.
ރައްޔިތުންގެ މަޖިލިސް ދޮޅު މަހުގެ ޗުއްޓީއަކަށް ދިޔައީ މިދިޔަ މަހުގެ 15 ގައެވެ.
