އެކްސިޑެންޓުތައް މަދު ކުރެވޭނީ މަގުމަތީގައި ތިމާގެ ފަރިތަ ކަމަށްވުރެ އަނެކާގެ ރައްކާތެރިކަމަށް ވިސްނައިގެން ކަމަށް ޓްރާންސްޕޯޓް އެންޑް ސިވިލް އޭވިއޭޝަން މިނިސްޓަރ އައިޝަތު ނަހުލާ ވިދާޅުވެއްޖެއެވެ.
މިނިސްޓަރ މިއަދު ކުރެއްވި ޓްވީޓެއްގައި ވިދާޅުވީ އެކްސިޑެންޓުތައް މަދު ކުރެވޭނީ ކޮންމެ މީހަކު ވެސް ފަރުދީ ޒިންމާ ނަގައިގެން ކަމަށާއި މަގުމަތީގައި ތިމާގެ ފަރިތަ ކަމަށްވުރެ އަނެކާގެ ރައްކާތެރި ކަމަށް ވިސްނާ، ޤަވާއިދުތަކަށް ބޯލަނބައިގެން ކަމަށެވެ.
ފަހަކަށް އައިސް އެކްސިޑެންޓުތައް ގިނަ ވެފައިވާކަން ފާހަގަ ކުރައްވާ މިނިސްޓަރ ނަހުލާ ވިދާޅުވީ އެއީ ހިތާމަހުރި ކަމެއް ކަމަށެވެ. އަދި ރައްކާތެރިވެ ފަރުދީ ޒިންމާ އަދާ ކުރެއްވުމަށް ވެސް މިނިސްޓަރ ގޮވާލައްވާފައިވެއެވެ.
Accident thah madhukureveyny komme meehakuves farudhee zimmaa nagaigen. Magumathygai thimaage farithakamah vure anekaage rahkaatheri kamah visnaa gavaaidhu thakah bo lanbaigen. Fahakah ais accident thah ginavumakee hithaama huri kameh.
— Aishath Nahula (@aishath_nahula) January 20, 2019
Rakkatherive farudhee zimmaa adhaa kurahva!
