ދިވެހިންނަށް ވިސާއާ ނުލައި ޔުނައިޓެޑް އަރަބް އެމިރޭޓްސް (ޔޫއޭއީ) އަށް ދަތުރުކުރެވޭ ގޮތަށް ހަމަޖައްސައިފިއެވެ.
ފޮރިން މިނިސްޓްރީގެ ސްޓޭޓް މިނިސްޓަރު އަހުމަދު ހަލީލް މިއަދު ވިދާޅުވީ ހުރިހާ ކެޓަގަރީއެއްގެ ޕާސްޕޯޓް ގެންގުއްވާ ދިވެހިންނަށް ވިސާއާ ނުލައި ޔޫއޭއީ އަށް މާދަމާ އިން ފެށިގެން، ދަތުރުކުރެވޭނެ ކަމަށާއި އެއާލައިންތަކަށް ވެސް މިހާރު ވަނީ އަންގައިފައިކަމަށެވެ.
ފޮރިން މިނިސްޓަރު އަބްދުﷲ ޝާހިދު ޔޫއޭއީ ކުރެއްވި ރަސްމީ ދަތުރެއްގަ ދިވެހިންނަށް ވިސާއާ ނުލައި ޔޫއޭއީ އަށް ދަތުރު ކުރެވޭ ގޮތް ހަމަޖައްސަވާނެ ކަމަށް ވަނީ އިއުލާންކުރައްވާފައެވެ.
ޔޫއޭއީ އަށް ވިސާއާ ނުލައި ދަތުރު ކުރެވޭ ގޮތް ހަމަޖައްސާފައި ވާއިރު ދިވެހިން އިންޑިއާ އަށް ދިއުމަށް ނަގަންޖެހޭ ވިސާ އަށް ލުއިތަކެއް ހޯދުމަށް ސަރުކާރުން ދަނީ މަޝްވަރާކުރަމުންނެވެ.
