މުސްލިމުން އާ އަހަރު ފާހަގަކުރަން ހުއްދަ ނުވަނީ ކީއްވެތޯ؟
މުސްލިމުން އައު އަހަރު ފާހަގަކުރަން ހުއްދަނުވާ ސަބަބަކީ އެއީ ކާފަރުންގެ ޢީދުތަކުގެ ތެރެއިން ޢީދަކަށްވެފައި، ކާފަރުން އަޅުކަން ކުރަން ގެންގުޅޭ ބާޠިލު އިލާހުތަކާއި ބާޠިލު ދީންތަކާއި ކާފަރުންގެ ދީނީ ދުވަސްތައް (މިފަދަ ޢީދުތައް) އަދި ކާފަރުންގެ ދީނީ އެންމެހައި ކަންކަމަށް ކާފިރުވެ އެ ތަކެއްޗާ އެފަދަ ދުވަސްތަކާއި ދުރުހެލިވުމަކީ ލާއިލާހައިއްލަﷲއަށް އީމާންވުމުގެ ތެރޭގައި، ލާއިލާހަ (ﷲ ފިޔަވައި އަޅުކަން ވެވޭ ހުރިހާ ފަރާތްތަކަށް ކާފިރުވުން، ނުވަތަ ނަފީކުރުން، ނުވަތަ ދުރުހެލިވުން) މިކަމުގެ ތެރޭގައި ހިމެނޭ ކަމެކެވެ. ތޯޣޫތަށް ކާފިރު ވެއްޖައުމަށް ދާންދެން އެއްވެސް މީހެއްގެ އީމާންކަން ފުރިހަމަ ނުވާހުއްޓެވެ.
ޝައިޚް ޝާފިޢު
އާ އަހަރު ފާހަގަކުރުމަށްޓަކައި ބާއްވާ އެކިއެކި ކުޅިވަރުތަކާއި މިޔުޒިކް ޝޯތައް ބަލަން މުސްލިމުން ދިއުމަކީ ކޮން ކަހަލަ ކަމެއްތޯ؟
"އާއަހަރު ފާހަގަކުރުމަށް ބޭއްވޭ އެކިއެކި ކަންކަމަކީ މުންކަރާތުގެ ތެރޭގައި ހިމެނޭ ކަންކަމެވެ. އެފަދަ ތަނަކަށް ދާން އެ ހިނގެނީ ޝައިޠާނާގެ ފިޔަވަޅުމަތިންނެވެ."
ޝައިޚް އަޙްމަދު ރިމާޒް
