ވެލާނާ އިންޓަރނޭޝަނަލް އެއާޕޯޓުން ޖެޓް ފިޔުލް ވިއްކާ އަގު ހެޔޮކޮށްފިއެވެ.
އެމްއޭސީއެލް އިން ބުނީ 1 ޑިސެމްބަރުން ފެށިގެން ބޭރުގެ އުދުހުންތަކަށް ޖެޓް ފިޔުލް ވިއްކާނީ ލިޓަރެއް 0.91113 ސެންޓަށް ކަމަށާއި މިއީ މިހާރު ވިއްކާއަގަށްވުރެ 7.50% ހެޔޮ އަގެއް ކަމަށެވެ. އަދި އެތެރޭގެ އުދުހުންތަކަށް ލިޓަރެއް ވިއްކާނީ 0.92033 ސެންޓަކަމަށާއި މިއީ މިހާރު ވިއްކާއަގަށްވުރެ 6.91% ހެޔޮ އަގެއް ކަމަށެވެ.
އަހަރުގައި އެންމެ ގިނަ ފްލައިޓްތައް ޖައްސާ، އަދި އެތެރޭގެ އުދުހުންތައް އެންމެ ގިނަ ދުވަސްވަރު ގެނައި މިބަދަލުގެ ސަބަބުން އޮޕަރޭޓަރުންނަށް ރަނގަޅު ފައިދާއެއް ކުރާނެ ކަމަށްވެސް އެމްއޭސީއެލް އިން ބުނެފައިވެއެވެ.
އެމްއޭސީއެލް އިން ތެލުގެ އަގަށް މިފަދަ ބަދަލެއް ގެނެސްފައި މިވަނީ އެތެރޭގެ އުދުހުންތަކުގެ އަގު ހެޔޮ ވީހައި ހެޔޮކުރަން ސަރުކާރުން މަސައްކަތް ކުރަމުން ގެންދާ ވަގުތެއްގައެވެ.
