އުންމީދަކީ "ހަފްތާ ރެސް" އިތުރަށް ފުރިހަމަ ކުރެވި ޒުވާނުންނަށް ވިޔަފާރީގެ ފުރުޞަތުތައް އިތުރަށް ފަހިކޮށްދއެއްވުން ކަމަށް ރައީސް އިބްރާހީމް މުޙައްމަދު ޞާލިޙް ވިދާޅުވެއްޖެއެވެ.
"ހަފްތާ ރެސް" އަށް ރޭ ޒިޔާރަތް ކުރައްވައި ކަންކަން ބައްލަވައި ލެއްވެވުމަށްފަހު ރައީސް އިބްރާހީމް މުޙައްމަދު ޞާލިޙް ވިދާޅުވީ ޒުވާނުންނަށް ވިޔަފާރީގެ އިތުރު ފުރުޞަތުތައް ފަހިކޮށް ދެއްވެވުމަކީ މިސަރުކާރުގެ ވައުދެއް ކަމަށާއި "ހަފްތާ ރެސް" އަކީ އެކަމުގެ ބައެއް ކަމަށެވެ.
ރެއަކީ "ހަފްތާ ރެސް" ގެ ފުރަތަމަ ރޭ ކަމަށްވުމުންވެސް ގިނަ ބައަކު އެކަމުގައި ބައިވެރިވިކަން އެއީ މިފަދަ ކަންކަމަށް އޮތް ތަރުޙީބު އެނގިގެންދާ ކަމެއްކަން ވެސް ރައީސް އިބްރާހީމް މުޙައްމަދު ޞާލިޙް ވަނީ ފާހަގަ ކުރައްވައިފައެވެ. ކުދި އަދި މެދުފަންތީގެ ވިޔަފާރިތަކަށް ޚާއްޞަކޮށްގެން ހުޅުވާ އެސްއެމްއީ ބޭންކު މިސަރުކާރުގެ ފުރުތަމަ 6 މަސް ދުވަހުގެ ތެރޭގައި ހުޅުވައި ޚިދުމަތް ދޭން ފަށަން ވެސް ވަނީ ހަމަޖެހިފައެވެ.
