އަތް ކެނޑި އަދިވެސް އިތުރު ބައެއް ޒަކަމްތައް ލިބިފައިވާ ބިދޭސީއަކު ލޭފައިބަމުން ދަނިކޮށް އުފުލައި ދިނުމުން ޝައިޚް ޢަލީ ޒައިދު، އެ ޓެކްސީ ދުއްވަން އިން ޑްރައިވަރަށް ތަޢްރީފް ކުރައްވައިފިއެވެ. އެމަގުން ދިއަ ޓެކްސީތައް ވަނީ އޭނާ އުފުލަން މަޑުނުކޮށްފައެވެ.
ނަމަވެސް އެޓެކްސީ ދަތުރެއްގައި ދަމުން ވެސް ފަހަތު ސީޓުގައި އިން އަންހެނަކު ކުރީ ސީޓަށް ބަދަލުކޮށް އެމީހާ ވަނީ ހޮސްޕިޓަލަށް ގެންގޮސްދީފައެވެ. ޝައިޚް އަލީ ޒައިދު ވިދާޅުވީ އެކަމަށްޓަކައު އުފާ ކުރައްވާ ކަމަށާއި އޭނާއަށް ތަޢްރީފް ޙައްު ކަމަށެވެ.
އަދި ކޮންމެ ޓެކްސީއެއްގައިވެސް މިފަދަ އިމަރޖެންސީތަކުގައި ސީޓުގައި އަޅަން ބޭނުން ކުރާނެ ކޮންމެވެސް އެއްޗެއް ގެންގުޅުމުން ޓެކްސީ ހަޑި ނުވާނެ ކަމަށް ވިދާޅުވެ އެފަދަ އެއްޗެއް ގެންގުޅުމަށް ވަނީ އިލްތިމާސް ކުރައްވައިފައެވެ.
