ރާއްޖޭގެ ހައިކޯޓުވެސް އެއްމަސް ދުވަހުގެ ރިސެސް އަކަށް ހިނގައްޖެއެވެ.
ހައި ކޯޓުގެ ގަވާއިދު އޮންނަ ގޮތުން ކޮންމެ އަހަރެއްގެ ނޮވެމްބަރު މަހުގެ ރަސްމީ އެންމެ ފަހު ދުވަހުން ފެށިގެން ދެން ފެށޭ އަހަރެއްގެ ޖެނުއަރީ މަހުގެ ފުރަތަމަ ރަސްމީ މަސައްކަތު ދުވަހާއި ހަމައަށް ހައި ކޯޓު އޮންނާނީ ރިސެސްގަ އެވެ.
ރިސެސްގެ މުއްދަތުގައި އާންމު އުސޫލުން ޝަރީއަތްތައް ނުބޭއްވި ކަމުގައިވިޔަސް، މައްސަލަތައް ބަލައިގަތުމާއި އިދާރީ މަސައްކަތްތައް ކުރިއެކޭ ވެސް އެއްގޮތަށް ކުރިއަށް ގެންދާނެ އެވެ.
ހައި ކޯޓު ރިސެސްއަށް ދިޔައިރު، ސުޕްރީމް ކޯޓުވެސް ވަނީ މިއަދުން ފެށިގެން އެއް މަސް ދުވަހަށް ރިސެސްއަކަށް ގޮސްފަ އެވެ. ސުޕްރީމް ކޯޓުގެ ރިސެސް ނިމުމަކަށް އަންނާނީ އަންނަ ޖެނުއަރީ މަހުގެ ދެވަނަ ދުވަހު އެވެ.
ހައި ކޯޓާއި ސުޕްރީމް ކޯޓުގެ އިތުރުން ސިވިލް ކޯޓު ވެސް އިއްޔެ އިން ފެށިގެން އޮތީ ރިސެސްގަ އެވެ. ސިވިލް ކޯޓުގެ ރިސެސް ނިމުމަކަށް އަންނާނީ މިމަހުގެ 20 ވަނަ ދުވަހު އެވެ.
