ކަމަކަށް އެދިގެން ދުޢާކުރީމާ އެދުނު ގޮތަށް އެކަން ނުވެއްޖެނަމަ ގިނަ ބައަކަށް ވިސްނެނީ ދުޢާ ޢިޖާބަ ނުކުރެއްވެވީ ކަމަށެވެ. ނަމަވެސް އެއީ ރަނގަޅު ވިސްނުމެއް ނޫނެވެ.
އިޚްލާޞްތެރިކަމާއެކު ދުޢާކޮށްފިނަމަ މި 3 ގޮތުން 1 ގޮތް ވާނެއެވެ.
1 އޭނާ އެދުނުފަދައިން ދުޢާ ޢިޖާބަކުރެއްވެވުން
2 އޭނާ އެދުނުގޮތަށްވުރެ ރަނގަޅު ގޮތެއް މެދުވެރިކުރެއްވެވުން
3 އޭނާއަށް މުސްތަޤްބަލްގައި ދިމާވެދާނެ ނުރައްކަލަކުން ސަލާމަތްކުރެއްވެވުން
ރަސޫލް ޞައްލަﷲ ޢަލައިހިވަސައްލަމަ އިރުޝާދު ދެއްވަވާފައިވަނީ :
1 ދުޢާ ޢިޖާބަކުރައްވަވާނެކަން ޔަޤީންކުރާ ޙާލް ދުޢާކުރުމަށެވެ.
2 ޙަލާލްތަކެތި ކައިގެން ބޮއިގެން، ޙަލާލް ފޭރާންލައިގެންހުރެ ދުޢާކުރުމަށެވެ.
- ޑރ. މުޙައްމަދު އިޔާޟް ޢަބްދުއްލަޠީފް
