ކޮންމެ އަޅުކަމެއް ކުރުމަށްފަހުގަވެސް އެކަން މާތް ﷲ ޤަބޫލުފުޅު ކުރެއްވެވުން އެދިގެން ކުރަން އޮތް ދުޢާއެއް!

އަބްދުއްލަތީފް
ކިޔުމަށް ހޭދަވާނީ 1މ 34ސ
ކޮންމެ އަޅުކަމެއް ކުރުމަށްފަހުގަވެސް އެކަން މާތް ﷲ ޤަބޫލުފުޅު ކުރެއްވެވުން އެދިގެން ކުރަން އޮތް ދުޢާއެއް!

މުސްލިމުން އަބަދުވެސް އަޅުކަން ކުރެއެވެ. ރަމަޟާން މަހުގައާ ޙުރުމަތްތެރިވެގެންވާ މައްސަރުތަކަގައާ ދުވަސްތަކާ ރޭތައް ބައްދަލުކުރުމުން އަޅުކަންކުރުން ގިނަކުރެއެވެ.  

ކިތަންމެ ގިނައިން އަޅުކަންކުރިނަމަވެސް އެކަމުން ކުރަންވާ ފައިދާ ލިބިގަނެވޭނީ ކުރި އަޅުކަން ﷲ ތަޢާލާ ޤަބޫލުފުޅުކުރައްވަވައިފިނަމައެވެ. އެހެންކަމާއިއެކުވެސް އަޅުކަން ކުރުމަށްފަހު ކުރި އަޅުކަން ޤަބޫލުފުޅު ކުރެއްވެވުން އެދިގެން ދުޢާ ކުރުމަކީ ގިނަ ބައަކު ވަރަށް ބޮޑަށް އިހްމާލްވެފައި އޮންނަ ކަމެކެވެ. އެހެން ނުހަދާށެވެ. އަޅުކަން ކުރުމަށްފަހު ކުރި އަޅުކަން ޤަބޫލުފުޅު ކުރެއްވެވުން އެދިގެން ދުޢާކުރަންވާނެއެވެ.

ގިނަ ބައަކަށް ޤަބޫލުކުރެވިފައި އޮންނަނީ އަޅުކަމެއް ކޮށްލެވުމުން އެ ހިސާބުން އެކަން އެއޮތީ ނިމިފައި ކަމަށެވެ. އެއީ އެކަން އޮތް ގޮތެއް ނޫނެވެ. އަހަރެމެން ކުރާ އަމަލު ހެޔޮ އަމަލަކަށްވާނީ ﷲ ތަޢާލާ އެ ޢަމަލު ޤަބޫލުފުޅު ކުރެއްވެވުމުންނެވެ. ވީމާ ކުރާ އަޅުކަން ޤަބޫލުފުޅު ކުރެއްވެވުން އެދިގެން ދުޢާކުރަން ޖެހެނީ އެ ސަބަބަށްޓަކައެވެ.

މިއީ ބަޤަރާ ސޫރަތުގެ 127 ވަނަ އާޔަތެވެ. މި ދުޢާއަކީ إبراهيم ގެފާނާއި إسماعيل ގެފާނާއި ދެބަފައިކަލުން ގެފުޅުގެ ބިންގާ އުފުއްލަވައި ބިނާކުރައްވަމުން ގެންދެވި އިރު އެ އަމަލު ﷲ ތަޢާލާ ޤަބޫލުފުޅު ކުރެއްވެވުން އެދިވަޑައިގެން ﷲ ތައާލާއަށް ކުރެއްވެވި ދުޢާއެވެ.  

رَبَّنَا تَقَبَّلْ مِنَّا ۖ إِنَّكَ أَنْتَ السَّمِيعُ الْعَلِيمُ 

"އަޅަމެންގެ ވެރިރަސްކަލާކޮ! އަލަމެންގެ ކިބައިން (މިކަން) ޤަބޫކުރައްވަވައިފާނދޭވެ! ހަމަކަށަވަރުން އިނބަ ރަސްކަލާނގެއީ މޮޅަސް އައްސަވައިވޮޑިގެންވާ، މޮޅަށް ދެނެވޮޑިގެންވާ ރަސްކަލާނގެއެވެ!"

 

- އިސްލާމީ ތިލަފަތުގެ ދަރުސަކުން

 

 

މިއަދު އޮންލައިން