ރައީސް އޮފީހުގެ ޗީފް އޮފް ސްޓާފްގެ މަޤާމަށް އައްޔަން ކޮށްފައިވާ އަދާލާތު ޕާޓީގެ ނައިބުރައީސް އަލީ ޒާހިރު އައު ކެބިނެޓަށް މަރުހަބާ ވިދާޅުވެއްޖެ އެވެ.
އަލީ ޒާހިރު ވަނީ ކެބިނެޓަށް މަރުހަބާ ދަންނަވައި މިއަދު ޓްވީޓެއް ކުރައްވާފައެވެ.
ރައީސް އިބްރާހިމް މުހައްމަދު ޞާލިޙް އެކުލަވާލެއްވި ކެބިނެޓުން ރައްޔިތުންގެ އުއްމީދުތައް ހަގީގަތަކަށް ހައްދަވައިދެއްވާނެ ކަމަށް ޔަގީންކުރައްވާ ކަމަށް ވެސް އޭނާ އެ ޓްވީޓުގައި ވިދާޅުވިއެވެ.
" ކެބިނެޓު މެމްބަރުން ކުރެއްވި ހުވަޔާ އެއްގޮތަށް ތެދުވެރިކަމާއި ވަފާތެރިކަމާއެކު ގައުމަށް ހިދުމަތް ކުރައްވާ ރައްޔިތުންގެ އުއްމީދުތައް ހަގީގަތަކަށް ހައްދަވައިދެއްވާނެ ކަމަށް ޔަގީން ކުރައްވާ " ކަމަށް ޒާހިރު ވިދާޅުވިއެވެ.
