މަޝްހޫރު ދީނީ ޢިލްމުވެރިޔާ މުސްފީ އިސްމާއިލް މެންކު، ރާއްޖޭގެ ރައީސް އިބްރާހިމް މުޙައްމަދު ސޯލިޙަށް މަރުހަބާ ދަންނަވައިފިއެވެ.
ރާއްޖޭގެ ރައީސުލްޖުމްހޫރިއްޔާ ކަމުގެ މަގާމަށް އިއްޔެ ރައީސް ސޯލިހު ހުވާ ކުރައްވާ މަގާމާއި ހަވާލުވެލެއްވުމުން، އެކަމަށް މަރުހަބާ ދަންނަވަމުން މުފްތީ މެންކު ކުރެއްވި ޓްވީޓެއްގައި ވިދާޅުވެފައިވަނީ އުފެދުނު އައު ސަރުކާރާއެކީ ރާއްޖެއަށް ފާގަތި، ރަނގަޅު، އަމަންއޮމާން ދުވަސްތަކެއް ލިބުމަށް އެދިލައްވާ ކަމަށެވެ.
ރައީސް އިބްރާހިމް މުޙައްމަދު ސޯލިހު ރައީސް ކަމާއި ހަވާލުވެ ވަޑައިގެން ހުވާ ކުރެއްވީ އިއްޔެ ހަވީރު 17:00 ގަލޮޅު ދަނޑުގައެވެ. ނައިބު ރައީސް ފައިސަލް ނަސީމް ހުވާ ކުރައްވާފައިވަނީ ރައީސް ސޯލިޙަށް ފަހުއެވެ.
އެމަނިކުފާނުގެ ކެބިނެޓްގައި ހިމެނޭ ވަޒީރުން ވެސް ރޭގެ ވަގުތެއްގައި ވަނީ އިއުލާނު ކުރައްވާ، ހުވާ ކުރައްވާފައެވެ.
Heartfelt congratulations to @ibusolih on his inauguration as the new President of the #Maldives. I pray that the country will see a new era of growth, goodness, peace and prosperity. May the Almighty bless you all.Aameen
— Mufti Ismail Menk (@muftimenk) November 18, 2018
