ރައީސް އިބްރާހީމް މުޙައްމަދު ޞާލިޙްގެ ވެރިކަމުގެ ފުރަތަމަ 100 ދުވަހުގެ ތެރޭގައި ދަނޑުވެރިކަމަށް އެތެރެކުރެވޭ ތަކެތިން އިމްޕޯޓު ޑިއުޓީ ކަނޑާލެވޭނެ ކަމަށް އެމމަނިކުފާނު ވިދާޅުވެއްޖެއެވެ.
ރާއްޖޭގައިވެސް މިހާރު ދަނޑުވެރިކަން ކުރަނީ ގިނަ އަދަދަކަށް ގަސްކާނާ އާއި ދަނޑުތަކަށް ޖަހާނެ ބޭހާއި އެނޫން ވެސް ގިނަ އަދަދެއްގެ ތަކެތި ބޭރުން އެތެރެކޮށްގެން ކަމަށްވާއިރު އެތަކުތީގެ ޑިޔުޓީ ކަނޑައިލުމަކީ ދަނޑުވެރިންނަށް ލިބޭ ވަރަށް ބޮޑު ލުޔަކަށްވެގެންދާނެއެވެ. އަދި މިކަމުގެ ސަބަބުން އުފައްދާތަކެއްޗަށް ކުރަންޖެހޭ ޚަރަދު ކުޑަވެ ތަކެތީގެ އަގުހެޔޮވެގެންދާނެ ކަމަށް ބެލެވެއެވެ.
މީގެ އިތުރުން ދުނިޔެ ހޫނުވުމުން ތިމާވެށްޓަށް އަންނަ ބަދަލުތަކުން މި ދުނިޔެ ސަލާމަތްކުރުމަށް ކުރެވޭ މަސައްކަތްތަކުގައި، ދިވެހިރާއްޖެ ވެގެންދަނީ ޖަޒީރާ ޤައުމުތަކުގެ ލީޑަރަކަށް ކަމަށާއި ގްރީން ޓެކްސްގެ ގޮތުގައި، ނެގޭ ފައިސާ ސަރުކާރުން ހޭދަކުރާނީ ހަމައެކަނި ތިމާވެށި ޙިމާޔަތްކުރުމާއި ގުޅުންހުރި މަސައްކަތްތަކަށް ކަމަށްވެސް ރައީސް ޞާލިޙް ވިދާޅުވިއެވެ.
