ރައީސް އިބްރާހިމް މުޙައްމަދު ސޯލިހު ގެ ޒަޢާމަތުގައި އުފަންވާ ކޮންމެ ކުއްޖަކަށް ހަދިޔާއެއް ދިނުމަށް ނިންމައިފިއެވެ.
މިޒަޢާމަތުގައި އުފަންވާ ކޮންމެ ތުއްތު ކުއްޖަކަށް ދައުލަތުގެ ފަރާތުން ޚާއްސަ ހަދިޔާއެއް ދޭން ފެށުން، ވެރިކަމުގެ ފުރަތަމަ 100 ދުވަހުގެ ލަނޑުދަނޑިތަކުގެ ތެރޭގައި ހިމަނާފައިވެއެވެ.
އެގޮތުން ރާއްޖޭގެ ކޮންމެ ރަށެއްގެ ކޮންމެ އާއިލާއަކަށް އުފަންވާ ކޮންމެ ކުއްޖަކަށް ވެސް ދައުލަތުގެ ފަރާތުން ޚާއްސަ ހަދިޔާއެއްގެ ގޮތުގައި، އުފަންވާ ތުއްތު ކުއްޖާއަށް ބޭނުންވާ އެންމެ އަސާސީ ތަކެއްޗާއި، ތަންމަތި ފޮށްޓަކާއިއެކު ގާތުން ދިނުމާއި ބެހޭ ސިއްޙީ މައުލޫމާތުގެ ލުއިފޮތެއް ހިމެނޭ "ބޭބީ ބޮކްސް" އެއް ދިނުމަށް ހަމަޖެހިފައިވާ ކަމަށް މައުލޫމާތު ލިބެއެވެ.
އުފަންވާ ކޮންމެ ތުއްތު ކުއްޖަކަށް ހަދިޔާއެއް ދިނުމަށް ނިންމާފައިވާއިރު، ނައިބު ރައީސް ފައިސަލް ނަސީމް ވަނީ ކާށިދޫ ދާއިރާގެ މެމްބަރުކަން ކުރެއްވިއިރު، އެމަނިކުފާނުގެ ދާއިރާއަށް އުފަންވާ ކޮންމެ ކުއްޖަކަށް ހަދިޔާއެއް ދެއްވަމުން ގެންދަވާފައިވެއެވެ.
