ކޮވިޑްގެ ޙާލަތު ރަނގަޅުވަމުން އަންނާތީ ލުއިތަކެއް ދިން ނަމަވެސް މާބޮޑެތި ލުއިތަކެއް ކުއްލިއަކަށް ދެވިދާނެ ކަމަކަށް ނުބެލެވޭ ކަމަށް ސަރުކާރުގެ ތަރުޖަމާނު މުޙައްމަދު މަބްރޫކް ވިދާޅުވެއްޖެއެވެ.
މިއަދު ބޭއްވި ނޫސްވެރިންގެ ބައްދަލުވުމުގައި މަބްރޫކް ވިދާޅުވީ ލުއިދެވޭނެ ކަންކަމަށް މަޝްވަރާކުރަމުން ގެންދާކަމަށާއި އެކަންކަން ފަހުން އިއުލާނުކުރާނެ ކަމަށެވެ.
މިޙާލަތަށް ދިއައީ ކުއްލިއަކަށް މާބޮޑެތި ލުއިތަކެއް ދެވުމުން ކަމާއި ތަޖުރިބާއަށް ބަލައި މިފަހަރު ލުއިތައް ދޭނީ ލުއި ދިނުމުން ނުކުންނަ ނަތީޖާގެ ތަޖުރިބާ އަށް ބަލައިގެން ކަމަށް ރައީސް އިބްރާހީމް މުޙައްމަދު ޞާލިޙް ވަނީ ވިދާޅުވެފައެވެ.
